കൊച്ചി: തിരുവാണിയൂര്‍ ഗ്ലോബല്‍ പബ്ലിക് സ്‌കൂള്‍ അവതരിപ്പിച്ച മെഗാ സംഗീത നാടകനൃത്താവിഷ്‌കാരം മൈ ഫെയര്‍ ലേഡി അരങ്ങിലെത്തി. മൂന്ന് ദിവസങ്ങളില്‍ നടന്ന അവതരണത്തില്‍ ആദ്യ ദിവസം കുട്ടികള്‍ക്കായും അവസാന രണ്ട് നാൾ പൊതുജനങ്ങള്‍ക്കും രക്ഷിതാക്കൾക്കുമായാണ് നാടക ആവിഷ്‌ക്കാരം നടന്നത്. ജില്ലയിലെ വിവിധ സ്‌കൂളുകളില്‍ നിന്നുള്‍പ്പെടെ ആയിരത്തിലധികം കുട്ടികള്‍ക്ക് മുന്നിലാണ് നാടകം ആദ്യ ദിനം അരങ്ങേറിയത്. മുന്നൂറ്റി അമ്പതോളം കുട്ടികള്‍ സ്റ്റേജില്‍ എത്തിയപ്പോള്‍ കാഴ്ചക്കാരുടെ മനസില്‍ പുതിയ വര്‍ണ വിസ്മയം തീര്‍ത്തു.