അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: മുത്തൂറ്റ് ഫിനാൻസും ഫിക്കിയും (ഫെഡറേഷൻ ഓഫ് ഇന്ത്യൻ ചേംബേഴ്സ് ഓഫ് കോമേഴ്സ് ആന്ഡ് ഇൻ ഡസ്ട്രി) ചേര്ന്ന് നടത്തിയ കോർപ്പറേറ്റ് സ്പോര്ട്സ് ചാംപ്യൻഷിപ്പ് കൊച്ചി 2023-ൽ പുരുഷ-വനിതാ വിഭാഗങ്ങളിൽ ടി.സി.എസ്സിന് മേധാവിത്വം. കാക്കനാട് സംസ്ക്കാര സ്ക്കൂളിൽ ഒക്ടോബർ 28, 29 തീയതികളിൽ നടന്ന മത്സരങ്ങളിൽ പുരുഷ വിഭാഗം സിംഗിള്സിൽ ടി.സി.എസ്സിന്റെ ആശിഷ് മത്തായി, ഷെയ്ന് ടാൻ മാത്യു എന്നിവർ യഥാക്രമം ഒന്നും രണ്ടും സ്ഥാനങ്ങൾ നേടി.
വനിതകളുടെ സിംഗിൾ മത്സരത്തിൽ ടി.സി.എസ്സിന്റെ അമൃത കെ.ബി ഒന്നാം സ്ഥാനം നേടിയപ്പോൾ ഇ.വൈ യുടെ നോവി ജോൺസൺ രണ്ടാം സ്ഥാനം കരസ്ഥമാക്കി. പുരുഷ ഡബിള്സ് മത്സരത്തിൽ ടി.സി.എസ്സിന്റെ ആശിഷ് – ശരത് സഖ്യം ടി.സി.എസ്സിന്റെ തന്നെ എൽബിൻ- മോനിസ് സഖ്യത്തെ പരാജയപ്പെടുത്തി. വനിതകളുടെ ഡബിള്സ് മത്സരത്തിൽ ടി.സി.എസ്സിന്റെ അമൃത – ജസാ സഖ്യം യു.എസ്.ടി ഗ്ലോബൽ ടീം ആയ വിജയലക്ഷ്മി വില്സൺ – ജെമിന സഖ്യത്തെ പരാജയപ്പെടുത്തി. വാശിയേറിയ മത്സരം കണ്ട മിക്സഡ് ഡബിള് കാറ്റഗറിയിൽ എബിന് ജോസഫ്, വിജയലക്ഷ്മി വില്സൺ സഖ്യം ടി സി എസ്സിന്റെ എൽബിൻ ഫ്രാൻസിസ് – അമൃത ബി സഖ്യത്തെ പരാജയപ്പെടുത്തി.
മുത്തൂറ്റ് വെഹിക്കിൾ ആന്ഡ് അസറ്റ്സ് ഫിനാൻസ് ലിമിറ്റഡ് സീനിയർ അസിസ്റ്റന്റ് ജനറൽ മാനേജർ ശ്യാം ചെല്ലപ്പൻ, സംസ്ക്കാര സ്കൂൾ ഫിസിക്കൽ എഡ്യൂക്കേഷൻ വകുപ്പ് എച്ച്.ഒ.ഡി ശ്യാം ആർ, ഫിക്കി കേരള അസിസ്റ്റന്റ് ഡയറക്ടർ രഞ്ജിത് രവി, ഫിക്കി കേരള സ്പോർട്സ് കൗണ്സിൽ മെമ്പർ റാഷിദ് തുടങ്ങിയവർ സമ്മാനദാനം നിർവഹിച്ചു.
കൊച്ചിയിലും പരിസര പ്രദേശങ്ങളിലുമുള്ള 20 – ലധികം കോർപ്പറേറ്റ് സ്ഥാപനങ്ങൾ മത്സരത്തിൽ പങ്കെടുത്തു.വിജയികൾക്കും റണ്ണർ അപ്പിനും യഥാക്രമം 5000 രൂപയും 2500 രൂപയും മൊമെന്റോയും നല്കി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
