അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: ഓട്ടോറിക്ഷയിൽ വച്ച് യുവതിയെ പീഡിപ്പിച്ച സംഭവത്തിൽ ഓട്ടോ ഡ്രൈവർ കസ്റ്റഡിയിൽ. മുട്ടത്തറ സ്വദേശി മുഹമ്മദ് ജിജാസിനെയാണ് പൊലീസ് പിടികൂടിയത്.
വെള്ളിയാഴ്ച രാത്രി 11 മണിയോടെയാണ് സംഭവം. അട്ടക്കുളങ്ങരയിൽ നിന്ന് 35കാരിയായ യുവതി വീട്ടിലേക്ക് പോകുന്നതിന് വേണ്ടിയാണ് ഓട്ടോ വിളിച്ചത്. യാത്രക്കിടെയാണ് ആളില്ലാത്ത സ്ഥലത്തുവച്ച് ഡ്രൈവർ ജിയാസ് സ്ത്രീയെ ഉപദ്രവിച്ചത്. ഓട്ടോയിൽ നിന്നും ഇറങ്ങിയോടിയാണ് സ്ത്രീ രക്ഷപ്പെട്ടത്.
യാത്രക്കാരിക്ക് പോകേണ്ട വഴിക്ക് പകരം മറ്റൊരു വഴിയാണ് ഡ്രൈവർ ജിയാസ് വാഹനം കൊണ്ടുപോയത്. മുട്ടത്തറയിൽ ആളൊഴിഞ്ഞ സ്ഥലത്തുവച്ച് സ്ത്രീയെ പ്രതി ഉപദ്രവിച്ചു. നിലവിളിച്ചപ്പോള്‍ വാ പൊത്തിപിടിച്ചു മർദ്ദിച്ചു. ഇതിന് ശേഷം സ്ത്രീയെ ഭീഷണിപ്പെടുത്തി ഓട്ടോയിൽ ബീമാപ്പള്ളി ഭാഗത്തേക്ക് കൊണ്ടുപോയി. ഒരു ലോഡ്ജിന്റെ മുന്നിൽ വാഹനം നിർത്തിയപ്പോള്‍ സ്ത്രീ പുറത്തേക്ക് ഇറങ്ങിയോടി സെക്യൂരിറ്റിയോട് സഹായം തേടി. അപ്പോഴേക്കും ഓട്ടോയുമായി ജിയാസ് രക്ഷപ്പെട്ടു.
ഇന്നലെ രാത്രിയാണ് ജിയാസിനെ ഫോർട്ട് പൊലീസ് അറസ്ററ് ചെയ്തത്. പോക്‌സോ അടക്കമുള്ള കേസുകളിൽ പ്രതിയാണ് പ്രതി മുഹമ്മദ് ജിജാസ്. യുവതി തിരുവനന്തപുരം ജനറൽ ആശുപത്രിയിൽ ചികിത്സ തേടിയിട്ടുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
