നെ​ത​ർ​ല​ൻ​ഡ്സി​നെ വീ​ഴ്ത്തി അ​ഫ്ഗാ​ൻ; പാക്കിസ്ഥാനെ മറികടന്ന് പോ​യി​ന്‍റ് പ​ട്ടി​ക​യി​ൽ അ​ഞ്ചാ​മ​ത്

ല​ക്നോ: ലോ​ക​ക​പ്പ് ക്രി​ക്ക​റ്റ് മ​ത്സ​ര​ത്തി​ൽ നെ​ത​ർ​ല​ൻ​ഡ്സി​നെ​തി​രെ അ​ഫ്ഗാ​നി​സ്ഥാ​ന് ജ​യം. ഇ​തോ​ടെ പോ​യി​ന്‍റ് പ​ട്ടി​ക​യി​ൽ പാക്കിസ്ഥാനെ മറികടന്ന് അ​ഫ്ഗാ​ൻ അ​ഞ്ചാം സ്ഥാ​ന​ത്തെ​ത്തി.

ഏ​ഴ് വി​ക്ക​റ്റി​നാ​ണ് അ​ഫ്ഗാ​ൻ ജ​യം. നെ​ത​ർ​ല​ൻ​ഡ്സ് ഉ​യ​ർ​ത്തി​യ 180 റ​ൺ​സ് വി​ജ​യ​ല​ക്ഷ്യം 31. 3 ഓ​വ​റി​ൽ അ​ഫ്ഗാ​ൻ മ​റി​ക​ട​ന്നു. അർധസെഞ്ചറി നേടിയ റഹ്മത് ഷാ (54 പന്തിൽ 52), ക്യാപ്റ്റൻ ഹഷ്മത്തുല്ല ഷഹീദി (64 പന്തിൽ 56*), അസ്മത്തുല്ല ഒമർസായി (28 പന്തിൽ 31*) എന്നിവരുടെ ബാറ്റിങ്ങാണ് അഫ്ഗാൻ ജയം അനായാസമാക്കിയത്.

ഓപ്പണർമാരായ റഹ്മാനുല്ല ഗുർബാസ് 10 റൺസും ഇബ്രാഹിം സദ്രാൻ 20 റൺസെടുത്തും പുറത്തായി. മൂന്നാം വിക്കറ്റിൽ റഹ്മത് ഷായും ഹഷ്മത്തുല്ല ഷഹീദിയും ചേർന്ന് 74 റൺസെടുത്തു. 

നെതർലൻഡ്സിനായി ലോഗൻ വാൻ ബീക്, റോളഫ് വാൻഡര്‍ മെർവ്, , സകിബ് സുൽഫികർ എന്നിവർ ഓരോ വിക്കറ്റ് വീതം വീഴ്ത്തി.
  
  
ഓപ്പണർ വെസ്‍ലി ബരേസിയെ തുടക്കത്തിൽ തന്നെ നഷ്ടപ്പെട്ട നെതർലൻഡ്സ്, തുടർന്ന് മുൻനിര താരങ്ങളുടെ മികവിൽ മത്സരത്തിലേക്കു തിരിച്ചെത്തി. എന്നാൽ മധ്യനിരയും വാലറ്റവും നിരാശപ്പെടുത്തിയതോടെ നെതർലൻഡ്സ് ചെറിയ സ്കോറിൽ ഒതുങ്ങി. മാക്സ് ഒ ദൗത് (40 പന്തിൽ 42), കോളിൻ അക്കർമാൻ (35 പന്തിൽ 29) എന്നിവരാണ് നെതർലൻഡ്സിന്റെ മറ്റു പ്രധാന സ്കോറർമാർ. 

അഫ്ഗാനിസ്ഥാനു വേണ്ടി മുഹമ്മദ് നബി മൂന്നും നൂർ അഹമ്മദ് രണ്ടും വിക്കറ്റുകൾ വീഴ്ത്തി. 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു