അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊല്ലം:കേരളത്തിലെ വിവിധ അഭിഭാഷക അസോസിയേഷനുകൾ പങ്കെടുക്കുന്ന അഖില കേരള ഇന്റർ ബാർ അസോസിയേഷൻ T20 ക്രിക്കറ്റ് ടൂർണമെന്റ് നവംബർ മാസം 7 മുതൽ 12 വരെ തീയതികളിൽ ആശ്രാമം മൈതാനത്ത് നടക്കുന്നതാണ്.
കൊല്ലം ബാർ അസോസിയേഷൻ സംഘടിപ്പിക്കുന്ന ടൂർണമെന്റിന്റെ ഫിക്സ് ചർ ഇന്ന് ബാർ അസോസിയേഷൻ ഹാളിൽ നടന്ന ചടങ്ങിൽ പ്രകാശനം ചെയ്തു. സീനിയർ അഭിഭാഷകയായ അഡ്വ സി.വിജയകുമാരി കെ. ബി.എ സ്പോർട്ട്സ് ക്ലബ് ചെയർമാൻ അഡ്വ വി.വിനോദിന് നൽകിയാണ് പ്രകാശനം നിർവ്വഹിച്ചത്. കൊല്ലം ബാർ അസോസിയേഷൻ ടീമിന്റെ ജേഴ്സി മുൻ ബാർ കൗൺസിൽ ഒഫ് ഇന്ത്യ മെമ്പർ അഡ്വ പാരിപ്പള്ളി ആർ.രവീന്ദ്രൻ സീനിയർ ക്രിക്കറ്റ് പ്ലേയർ അഡ്വ കാവനാട് സി.ബിജുവിന് നൽകി പ്രകാശനം ചെയ്തു.
read also:നാല് വയസുകാരിയെ പീഡിപ്പിച്ച കേസ്: പ്രതിക്ക് 60 വർഷം തടവ്
കൊല്ലം ബാർ അസോസിയേഷൻ പ്രസിഡന്റ് അഡ്വ ബോറിസ് പോൾ അധ്യക്ഷത വഹിച്ച യോഗത്തിൽ അഡ്വ വി.വിനോദ് സ്വാഗതം പറഞ്ഞു. ടൂർണമെന്റിന്റെ നിയമാവലിയും പരിപാടിയും സ്പോർട്ട്സ് ക്ലബ് കൺവീനർ അഡ്വ ബി. അനുബ് അവതരിപ്പിച്ചു. ബാർ അസോസിയേഷൻ സെക്രട്ടറി അഡ്വ മഹേന്ദ്ര കെ.ബി നന്ദി പറഞ്ഞു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
