അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കോഴിക്കോട്: കൊയിലാണ്ടിയിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രതി പിടിയിൽ. വെങ്ങളം സ്വദേശി ഷംസുദ്ധീനെയാണ് (26) കൊയിലാണ്ടി പോലീസ് അറസ്റ്റ് ചെയ്തത്. പോക്സോ നിയമപ്രകാരമാണ് ഇയാൾക്കെതിരെ കേസ് ചുമത്തിയിരിക്കുന്നത്.
പെൺകുട്ടിയുടെ പരാതിയുടെ അടിസ്ഥാനത്തിൽ പ്രതിയെ പിടികൂടാൻ വെങ്ങളത്തെ വീട്ടിലെത്തിയ പൊലീസ് സാഹസികമായി ഇയാളെ കീഴ്‌പ്പെടുത്തുകയായിരുന്നു. പൊലീസ് സംഘത്തിൽനിന്നു രക്ഷപ്പെടാൻ പ്രതി വീടിന് പിറകിലൂടെ ഓടിയെങ്കിലും ഇയാളെ പിന്തുടർന്ന് പിടികൂടി.
വയറുവേദനയെത്തുടർന്ന് രക്ഷിതാക്കൾക്കൊപ്പം ചികിത്സ തേടിയെത്തിയ പെൺകുട്ടിയെ പരിശോധനയ്ക്ക് വിധേയയാക്കിയപ്പോഴാണ് പീഡിപ്പിക്കപ്പെട്ടതായി കണ്ടെത്തിയത്. തുടർന്ന് വെള്ളിമാടുകുന്ന് സി.ഡബ്ല്യു.സിയിലേക്ക് ഡോക്ടർ വിവരം കൈമാറുകയായിരുന്നു. ചൈൽ‍ഡ് ലൈനാണ് പരാതി കൊയിലാണ്ടി പോലീസിന് കൈമാറിയത്.
അറസ്റ്റിലായ ഷംസുദ്ധീൻ മോഷണക്കേസുകളിലും പ്രതിയാണ്. കൊയിലാണ്ടി മേഖലയിൽനിന്നു കമ്പിയും മറ്റ് അനുബന്ധ ഉപകരണങ്ങളും ഇയാള്‍ മോഷ്ടിച്ചിരുന്നു. കഴിഞ്ഞ മാസം മോഷ്ടിച്ച കമ്പിയുമായി പൊലീസ് പിടിയിലായ ഇയാൾ പിന്നീട് ജാമ്യത്തിലിറങ്ങിയതാണ്. കൊയിലാണ്ടി പൊലീസ് സർക്കിൾ ഇൻസ്പെക്ടർ എം.വി ബിജു, എസ്ഐമാരായ പി.എം.ശൈലേഷ്, എ.അനീഷ്, വിശ്വൻ പുതിയേടത്ത് തുടങ്ങിയവരടങ്ങുന്ന സംഘമാണ് പ്രതിയെ പിടികൂടിയത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
