കെവൈസി നിർബന്ധമാക്കിയതോടെയാണ് കേരളത്തിലെ സഹരണ കൊള്ളകൾ പുറത്ത് വന്നുതുടങ്ങിയത് : എം ടി രമേശ്

തൊടുപുഴ :സഹകരണ ധനകാര്യ സ്ഥാപനങ്ങളിൽ റിസർവ് ബാങ്ക് തിരിച്ചറിയൽ രേഖകൾ നിർബന്ധമാക്കുകയും രണ്ട് ലക്ഷം രൂപയ്ക്ക് മുകളിലുള്ള നിക്ഷേപങ്ങൾക്കും, പിൻവലിക്കലുകൾക്കും പാൻ കാർഡ് നിർബന്ധമാക്കുകയും ചെയ്തതോടുകൂടിയാണ് കേരളത്തിലെ സഹകരണമേഖലയിലെ അഴിമതികൾ പുറത്തുവന്നു തുടങ്ങിയതെന്ന് ബിജെപി സംസ്ഥാന ജനറൽ സെക്രട്ടറി എം ടി രമേശ്. തൊടുപുഴ കുമാരമംഗലം സർവീസ് സഹകരണ ബാങ്ക് അഴിമതിക്കെതിരായി ബിജെപിയുടെ നേതൃത്വത്തിൽ നടത്തിയ സഹകരണ അദാലത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സാധാരണക്കാർക്കും കർഷകർക്കും വേണ്ടി ഇടപാടുകൾ നടത്തേണ്ട സ്ഥാപനങ്ങൾ കോടികളുടെ ബിനാമി ഇടപാട് കേന്ദ്രങ്ങളായി മാറി.കെവൈസി നിർബന്ധമാക്കിയതോടുകൂടി ബിനാമി ഇടപാടുകൾ നടക്കാതെ വന്നു.ബിനാമി ഇടപാടുകൾക്ക് പൂട്ട് വീണതോടെയാണ് സഹകരണ മേഖലയിലെ കള്ളത്തരങ്ങൾ പുറത്തുവന്നു തുടങ്ങിത്.