അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: വിമാനയാത്രക്കിടെ സഹയാത്രികൻ അപമര്യാദയായി പെരുമാറിയെന്ന പരാതിയിൽ മലയാളത്തിലെ യുവനടിയുടെ മൊഴി രേഖപ്പെടുത്തി. ഇന്ന് ഉച്ചയോടെയാണ് കേസിൽ നടിയുടെ മൊഴിയെടുത്തത്.
തൃശൂർ സ്വദേശിയായ ആന്റോ എന്നയാളാണ് കേസിലെ പ്രതിയെന്നും ഇയാളെ തിരിച്ചറിഞ്ഞിട്ടുണ്ടെന്നും പൊലീസ് പറഞ്ഞു. ഇയാളെ ഉടൻ അറസ്റ്റ് ചെയ്യുമെന്നാണ് വിവരം. കഴിഞ്ഞദിവസം മുംബയിൽ നിന്ന് കൊച്ചിയിലേയ്ക്കുള്ള യാത്രയ്‌ക്കിടെയാണ് യുവനടിയ്ക്ക് ദുരനുഭവമുണ്ടായത്.
സംഭവത്തിന് പിന്നാലെ ക്യാബിന്‍ ക്രൂവിനോട് പരാതിപ്പെട്ടിട്ടും നടപടിയുണ്ടായില്ലെന്നും നടി പറയുന്നു. സീറ്റ് മാറ്റി പ്രശ്‌നം പരിഹരിക്കാനായിരുന്നു ശ്രമമുണ്ടായതെന്ന് നടി പറയുന്നു. എയര്‍ ഇന്ത്യാ വിമാനത്തിലാണ് സംഭവം.
തൊട്ടടുത്ത സീറ്റിലിരിക്കുകയായിരുന്ന യാത്രക്കാരന്‍ മോശമായി പെരുമാറിയെന്നാണ് നടി ആരോപിക്കുന്നത്. ഇയാള്‍ മദ്യലഹരിയിലായിരുന്നുവെന്ന് നടിയുടെ പരാതിയിലുണ്ട്. കൊച്ചിയിലെത്തിയ ശേഷം ഇമെയിലിലൂടെ നടി പൊലീസില്‍ പരാതി നല്‍കുകയായിരുന്നു. ഇന്‍സ്റ്റാഗ്രാം പേജിലൂടെയാണ് താരം ദുരനുഭവം വെളിപ്പെടുത്തിയത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
