അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഹൈദരാബാദ്: ഏകദിന ലോകകപ്പിൽ ന്യുസീലൻഡിന് രണ്ടാം ജയം. നെതർലൻഡ്‌സിനെ 99 റൺസിന് തോൽപ്പിച്ചാണ് ന്യൂസീലൻഡ് രണ്ടാം ജയം സ്വന്തമാക്കിയത്. സ്‌കോർ- ന്യുസീലാൻഡ് – 322/7 , നെതർലൻഡ്‌സ്- 223/10.
നെതർലൻഡ്‌സിന് വേണ്ടി ആകെ പൊരുതിയത് കോളിൻ അക്കെർമാൻ മാത്രമാണ്. 73 പന്തിൽ 69 റൺസെടുത്തായിരുന്നു അക്കെർമാന്റെ പോരാട്ടം. ക്യാപ്റ്റൻ സ്‌കോട്ട് എഡ്വേർഡ് 27 പന്തിൽ 30 റൺസെടുത്തു.
ഡച്ച് ടീമിന്റെ നടുവൊടിച്ചത് കിവീസിന്റെ ഇടംകൈയന്‍ സ്പിന്നര്‍ മിച്ചല്‍ സാന്റ്‌നറാണ്. 10 ഓവറില്‍ 56 റണ്‍സ് വഴങ്ങിയ സാന്റ്‌നര്‍ അഞ്ച് വിക്കറ്റ് വീഴ്ത്തി. മാറ്റ് ഹെന്‍ റി മൂന്ന് വിക്കറ്റെടുത്തു.
വിക്രംജിത്ത് സിങ് (12), മാക്‌സ് ഒഡൗഡ് (16), ബാസ് ഡെലീഡ (18), തേജ നിതമാനുരു (21) എന്നിവര്‍ക്കാര്‍ക്കും തന്നെ ഭേദപ്പെട്ട പ്രകടനം പുറത്തെടുക്കാനായില്ല.
നേരത്തേ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ന്യൂസീലന്‍ഡ് 50 ഓവറില്‍ ഏഴു വിക്കറ്റ് നഷ്ടത്തില്‍ 322 റണ്‍സെടുത്തിരുന്നു. വില്‍ യങ്, രചിന്‍ രവീന്ദ്ര, ക്യാപ്റ്റന്‍ ടോം ലാഥം എന്നിവരുടെ അര്‍ധ സെഞ്ചുറികളാണ് കിവീസിനെ മികച്ച സ്‌കോറിലെത്തിച്ചത്.
നെതര്‍ലന്‍ഡ്സിനായി ആര്യന്‍ ദത്ത്, പോള്‍ വാന്‍ മീകെരന്‍, റൊളോഫ് വാന്‍ഡെര്‍ മെര്‍വെ എന്നിവര്‍ രണ്ട് വിക്കറ്റ് വീതം വീഴ്ത്തി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
