അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഹാങ്ഝൗ: ഏഷ്യൻ ഗെയിംസ് പുരുഷ ക്രിക്കറ്റിൽ ഇന്ത്യയ്ക്ക് സ്വർണം. അഫ്ഗാനിസ്ഥാനെതിരായ ഫൈനൽ മത്സരം മഴമൂലം പൂർത്തിയാക്കാനാകാതെ ഉപേക്ഷിച്ചതോടെയാണ് റാങ്കിംഗിലെ ഉയർന്ന സ്ഥാനം കണക്കാക്കി ഇന്ത്യയ്ക്ക് സ്വർണം ലഭിച്ചത്.
ആദ്യം ബാറ്റു ചെയ്ത അഫ്ഗാനിസ്ഥാന്‍ 18.2 ഓവറില്‍ 112-5 എന്ന നിലയിലായിരിക്കെ മഴ എത്തി. മഴ തുടര്‍ന്നതോടെ കളി ഉപേക്ഷിച്ചു. ഇന്ത്യന്‍ ബൗളര്‍മാരായ ശിവം ദൂബെയും അര്‍ഷ്ദീപും തുടക്കത്തില്‍ തന്നെ വിക്കറ്റുകള്‍ വീഴ്‌ത്തി.
ഒരു ഘട്ടത്തില്‍ 10 ഓവറില്‍ അഞ്ച് വിക്കറ്റ് നഷ്ടത്തില്‍ 52 എന്ന നിലയിലായിരുന്നു അഫ്ഗാനിസ്ഥാന്‍. എന്നാല്‍ ഷാഹിദുള്ള 43 പന്തില്‍ 49 റണ്‍സ് നേടി. നയിബ് 27 റണ്‍സ് എടുത്ത് പുറത്താകാതെ നിന്നു.
ഇന്ത്യക്ക് വേണ്ടി രവി ബിഷ്‌ണോയ്, ഷഹബാസ് അഹമ്മദ്, ശിവം ദൂബെ, അര്‍ഷ്ദീപ് എന്നിവര്‍ ഒരോ വിക്കറ്റ് വീതം വീഴ്‌ത്തി.
നേരത്തെ വനിതാ വിഭാഗം ക്രിക്കറ്റിലും ഇന്ത്യ സ്വർണം സ്വന്തമാക്കിയിരുന്നു. 28 സ്വർണവുമായി മെഡൽ പട്ടികയിൽ ഇന്ത്യ നാലാം സ്ഥാനത്താണ്. 192 സ്വർണം നേടിയ ചൈനയാണ് പട്ടികയിൽ മുന്നിൽ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
