അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: മികവുറ്റ യുവ ബിസിനസ്, എഞ്ചിനീയറിങ് പ്രതിഭകളെ കണ്ടെത്താന്‍ വി-ഗാര്‍ഡ് ഇന്‍ഡസ്ട്രീസ് വര്‍ഷംതോറും ദേശീയ തലത്തില്‍ നടത്തിവരുന്ന ബിഗ് ഐഡിയ മത്സര വിജയികളെ പ്രഖ്യാപിച്ചു. ഈ വര്‍ഷത്തെ ബിഗ് ഐഡിയ ബിസിനസ് പ്ലാന്‍ മത്സരത്തില്‍ ഐഐഎം ട്രിച്ചിയില്‍ നിന്നുള്ള അര്‍ഷാദ് അലാവുദ്ദീന്‍ പിംപര്‍, സൗവിക് മോണ്ഡല്‍, ആകാശ് ഹിരുഗഡേ എന്നിവർ ഒന്നാം സ്ഥാനം നേടി. ഐഐഎം കാശിപ്പൂര്‍ ഒന്നാം റണ്ണര്‍ അപ്പും എന്‍ഐടിഐഇ മുംബൈ രണ്ടാം റണ്ണര്‍ അപ്പുമായി തെരഞ്ഞെടുത്തു.
ഐഐഎം റാഞ്ചി, ടി.എ. പൈ മാനേജ്‌മെന്റ് ഇൻസ്റ്റിറ്റ്യൂട്ട് മണിപ്പാല്‍, ഐഐഎം ബോധ്ഗയ എന്നീ സ്ഥാപനങ്ങള്‍ പ്രത്യേക ജൂറി പുരസ്‌ക്കാരം നേടി. 5ജി. എഐ. ഐഒടി പോലുള്ള സാങ്കേതിക വിദ്യകളുടെ സഹായത്തോടെ ‘നല്ല നാളേക്കായി ഒരു മള്‍ട്ടി ടാസ്‌കിംഗ് അടുക്കള’ എന്ന വിഷയത്തിലാണ് ഈ വര്‍ഷത്തെ മത്സരം സംഘടിപ്പിച്ചത്.
രാജ്യത്തെ പ്രമുഖ ബിസിനസ് സ്‌കൂളുകളില്‍ നിന്നായി 300 ടീമുകളാണ് മാറ്റുരച്ചത്. അന്തിമ ഘട്ടത്തിലെത്തിയ 31 ടീമുകളില്‍ നിന്നാണ് വിജയികളെ തെരഞ്ഞെടുത്തത്. ഒന്നാം സ്ഥാനം നേടിയ ടീമിന് രണ്ടു ലക്ഷം രൂപ സമ്മാനത്തുക ലഭിച്ചു. രണ്ടാം സ്ഥാനത്തിന് ഒരു ലക്ഷം രൂപയും മൂന്നാം സ്ഥാനത്തിന് അര ലക്ഷം രൂപയും, ജൂറി പുരസ്‌കാര ജേതാക്കള്‍ക്ക് കാല്‍ ലക്ഷം രൂപയുമാണ് സമ്മാനം.
എഞ്ചിനീയറിങ് വിദ്യാര്‍ത്ഥികള്‍ക്കായി നടത്തിയ ഈ വര്‍ഷത്തെ ബിഗ് ഐഡിയ ടെക്ക് ഡിസൈന്‍ മത്സരത്തില്‍ മുത്തൂറ്റ് ഇൻസ്റ്റിറ്റ്യൂട്ട് ഓഫ് ടെക്നോളജി ആന്റ് സയന്‍സില്‍ നിുള്ള കൃഷ്ണ പ്രസാദ്, അഭിജിത്ത് ജിതേഷ്, വൈഭവ് കൃഷ്ണ ഒന്നാം സ്ഥാനം നേടി. ദ എല്‍എന്‍എം ഇൻസ്റ്റിറ്റ്യൂട്ട് ഓഫ് ഇന്‍ഫോര്‍മേഷന്‍ ടെക്നോളജി, ജയ്പ്പൂര്‍, കോങ്കു എഞ്ചിനീയറിംഗ് കോളേജ് ഈറോഡ് എന്നീ കോളെജുകള്‍ യഥാക്രമം രണ്ടും മൂന്നും സ്ഥാനം നേടി. ജേതാക്കള്‍ക്ക് യഥാക്രമം ഒരു ലക്ഷം, അര ലക്ഷം, കാല്‍ ലക്ഷം രൂപ എന്നിങ്ങനെ സമ്മാനത്തുകയും വിതരണം ചെയ്തു. ദ എല്‍എന്‍എം ഇൻസ്റ്റിറ്റ്യൂട്ട് ഓഫ് ഇന്‍ഫോര്‍മേഷന്‍ ടെക്നോളജി, എന്‍ഐടി റൗക്കേല എന്നീ സ്ഥാപനങ്ങള്‍ പ്രത്യേക ജൂറി പുരസ്‌ക്കാരം നേടി.
കൊച്ചിയില്‍ നടന്ന ഫൈനല്‍ മത്സരത്തില്‍ അവസാന ഘട്ടത്തിലെത്തിയ ടീമുകള്‍ അവരുടെ ആശയങ്ങള്‍ മത്സര ജൂറി സമിതി മുമ്പാകെ അവതരിപ്പിച്ചു. വി-ഗാര്‍ഡിന്റെ ഉന്നത മാനേജ്‌മെന്റ് പ്രതിനിധികളുമായി സംവദിക്കാനും ആശയങ്ങള്‍ പങ്കുവയ്ക്കാനും യുവ പ്രതിഭകള്‍ക്ക് അവസരം ലഭിച്ചു. മൗലികവും നവീനവുമായ ആശയങ്ങള്‍, അതിന്റെ പ്രായോഗികത, ലാളിത്യം, വി-ഗാര്‍ഡിന്റെ ബിസിനസില്‍ ഇതുണ്ടാക്കു സ്വാധീനം എന്നീ മാനദണ്ഡങ്ങൾ മുൻനിർത്തിയാണ് വിജയികളെ തിരഞ്ഞെടുത്തത്.
പുരസ്‌കാര ജേതാക്കള്‍ക്കുള്ള ഉപഹാരങ്ങള്‍ വി-ഗാര്‍ഡ് ഇന്‍സ്ട്രീസ് ലിമിറ്റഡ് ചെയര്‍മാന്‍ കൊച്ചൗസേപ്പ് ചിറ്റിലപ്പള്ളി വിതരണം ചെയ്തു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
