അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ടാക്സി ഡ്രൈവറായ തമിഴ്നാട് പഴനി നെയ്ക്കരപ്പട്ടി സ്വദേശി രാജ്കുമാര്‍ അപ്രതീക്ഷിതമായി ശതകോടീശ്വരന്‍മാരുടെ പട്ടികയിലേക്ക് ഉയര്‍ന്നു, ആ നേട്ടത്തിന്റെ അമ്പരപ്പ് മാറും മുന്‍പ് രാജ്കുമാര്‍ വീണ്ടും ഓട്ടോ ഡ്രൈവറായി. തമിഴ്നാട് മെര്‍ക്കന്റൈല്‍ ബാങ്കിന് സംഭവിച്ച കയ്യബന്ധമാണ് രാജ്കുമാറിന്റെ അക്കൗണ്ടിലേക്ക് കോടികള്‍ എത്തിയതിന് പിന്നില്‍.
ഒറ്റയടിക്ക് 9000 കോടി രൂപയാണ് രാജ്കുമാറിന്റെ അക്കൗണ്ടിലേക്ക് എത്തിയത്. ഇത്രയും തുക ഒരുമിച്ച് അക്കൗണ്ടിലേക്ക് ക്രെഡിറ്റ് ആയപ്പോള്‍ ആരോ പറ്റിക്കുകയാണെന്നാണ് കരുതിയെന്ന് ഡ്രൈവര്‍ പറഞ്ഞു. എന്നാല്‍ വീണ്ടും മെസ്സേജുകള്‍ വന്നതോടെ തുക ക്രെഡിറ്റ് ആയിട്ടുണ്ടെന്ന് സ്ഥിരീകരിക്കുകയായിരുന്നു. എന്നാല്‍ അബന്ധം മനസ്സിലാക്കി ബാങ്ക് അക്കൗണ്ടില്‍ നിന്ന് അരമണിക്കൂറിനകം പണം തിരിച്ചെടുക്കുകയുമായിരുന്നു.
‘സെപ്റ്റംബര്‍ 9 ന് 3 മണിക്കാണ് പണം ക്രെഡിറ്റായതുമായി ബന്ധപ്പെട്ടുള്ള മെസ്സേജ് ഫോണിലേക്ക് വരുന്നത്. ആദ്യം ആരെങ്കിലും പറ്റിക്കുകയാണെന്നാണ് കരുതിയത്. ഒരുപാട് പൂജ്യങ്ങള്‍ ഉള്ളതിനാല്‍ എത്ര തുകയുണ്ടെന്ന് മനസ്സിലാക്കാന്‍ പോലും സാധിച്ചില്ല’. രാജ്കുമാര്‍ പറഞ്ഞു. പണം നിക്ഷേപിക്കുന്നതിന് മുന്‍പ് ആകെ 105 രൂപ മാത്രമാണ് രാജ്കുമാറിന്റെ അക്കൗണ്ടില്‍ ഉണ്ടായിരുന്നത്. പണം ക്രെഡിറ്റ് ആയതിന് പിന്നാലെ 21000 രൂപ ഒരു സുഹൃത്തിന് കൈമാറുകയും ചെയ്തു
ഭീകർക്ക് താവളം ഒരുക്കി കാനഡ : കടുപ്പിച്ച് ഇന്ത്യ
സംഭവം നടന്നതിന്റെ പിറ്റേ ദിവസം ബാങ്കിലെ ഒരു ഉദ്യോഗസ്ഥന്‍ തന്നെ ബന്ധപ്പെടുകയും പണം അറിയാതെ അക്കൗണ്ടിലേക്ക് നിക്ഷേപിച്ചതാണെന്ന് വ്യക്തമാക്കിയെന്നും രാജ്കുമാര്‍ പറഞ്ഞു. ശേഷം പോലീസില്‍ പരാതി നല്‍കുമെന്ന് മറ്റൊരു ഉദ്യോഗസ്ഥന്‍ അറിയിച്ചപ്പോള്‍ ഒരു അഭിഭാഷകനെ കൂട്ടി ബാങ്കിലേക്ക് പോയി ഒത്തുതീര്‍പ്പാക്കിയെന്നും രാജ്കുമാര്‍ വ്യക്തമാക്കി. പിന്‍വലിച്ച തുകയ്ക്ക് പകരമായി രാജ്കുമാറിന് ഒരു കാര്‍ ലോണ്‍ നല്‍കി വിഷയത്തില്‍ ഇരുകൂട്ടരും ഒത്തുതീര്‍പ്പിലെത്തുകയായിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
