അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കോഴിക്കോട്: നിപ്പയെ തുടർന്നു കോഴിക്കോട് ജില്ലയിൽ ഏർപ്പെടുത്തിയിരുന്ന നിയന്ത്രണങ്ങളിൽ കൂടുതൽ ഇളവ്. വടകര താലൂക്കിലെ ഒന്പത് ഗ്രാമപഞ്ചായത്തികളിലെ എല്ലാ വാര്ഡുകളെയും സോണില് നിന്നും ഒഴിവാക്കുന്നതായി ജില്ലാ കളക്ടര് ഉത്തരവിറക്കി. നിപ്പ ബാധിച്ച് മരിച്ചവരുമായും പോസിറ്റീവ് ആയവരുമായും സമ്പർക്കമുണ്ടായിരുന്ന എല്ലാവരെയും കണ്ടെത്തിയ സാഹചര്യത്തിലാണിത്.
അതേസമയം, പ്രദേശത്ത് ക്വാറന്റൈനില് കഴിയുന്നവര് ആരോഗ്യവകുപ്പിന്റെ നിര്ദേശം ലഭിക്കുന്നതുവരെ ക്വാറന്റൈനില് തുടരണമെന്നും കളക്ടര് വ്യക്തമാക്കി. മാസ്കും സാനിറ്റൈസറും ഉപയോഗിക്കണം. സാമൂഹിക അകലം പാലിക്കണമെന്നും നിർദ്ദേശമുണ്ട്.
വടകര താലൂക്കില് മരണപ്പെട്ടവരുമായും നിപ പോസിറ്റീവ് ആയവരുമായും സമ്പര്ക്കമുണ്ടായിരുന്ന എല്ലാവരെയും ഇതിനോടകം കണ്ടെത്തിയതായും കളക്ടറുടെ ഉത്തരവിൽ പറയുന്നു.
കണ്ടെയിന്മെന്റ് സോണില് ഉള്പ്പെടുത്തിയ ഫറോക്ക് മുനിസിപ്പാലിറ്റിയിലെ എല്ലാ വാര്ഡുകളിലും കോഴിക്കോട് കോര്പ്പറേഷനിലെ 43,44,45,46,47,48,51 എന്നീ വാര്ഡുകളിലും അധികൃതര് ഇളവുകള് അനുവദിച്ചു. ഇവിടങ്ങളില് രാത്രി എട്ട് മണി വരെ എല്ലാ കടകൾക്കും തുറന്ന് പ്രവര്ത്തിക്കാവുന്നതാണ്. ബാങ്കുകള്ക്കും ട്രഷറികള്ക്കും ഉച്ചയ്ക്ക് രണ്ട് മണി വരെ പ്രവര്ത്തിക്കാം.
ഇന്നു പുതിയ നിപ്പ കേസുകള് റിപ്പോര്ട്ട് ചെയ്തിട്ടില്ലെന്ന് ആരോഗ്യമന്ത്രി വീണാ ജോര്ജ് അറിയിച്ചു. നിപ്പ പ്രതിരോധത്തിന്റെ ഭാഗമായി രാവിലെ കോര് കമ്മിറ്റിയും വൈകിട്ട് അവലോകന യോഗവും ചേര്ന്നു. ആരോഗ്യമന്ത്രി വീണാ ജോര്ജിന്റെ അധ്യക്ഷതയിലായിരുന്നു യോഗങ്ങള്. മന്ത്രി ഓണ്ലൈനായി പങ്കെടുത്തു.
ഐസലേഷനിലുള്ളവര് 21 ദിവസം ഐസലേഷനില് തന്നെ തുടരണം. എല്ലാവരും കൃത്യമായി മാസ്ക് ധരിക്കണം. നിലവില് 981 പേരാണ് സമ്പര്ക്ക പട്ടികയിലുള്ളത്. ഇന്ന് ലഭിച്ച 27 പരിശോധനാ ഫലങ്ങളും നെഗറ്റീവ് ആണ്. സ്വകാര്യ ആശുപത്രിയില് ചികിത്സയിലുള്ള 9 വയസുകാരന്റെ ആരോഗ്യനില കൂടുതല് മെച്ചപ്പെട്ടു. ചികിത്സയിലുള്ള മറ്റുള്ളവരുടേയും ആരോഗ്യനില തൃപ്തികരമാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
