അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി: പി.വി. അൻവർ എംഎൽഎ കൂടരഞ്ഞി വില്ലേജിലെ കക്കടാംപൊയിലിൽ സ്ഥാപിച്ച വാട്ടർ തീം പാർക്കിന് പ്രവർത്തനാനുമതി നൽകിയ സർക്കാർ ഉത്തരവിൽ ഇടപെടലുമായി ഹൈക്കോടതി. കുട്ടികളുടെ പാർക്ക് മാത്രമേ പ്രവർത്തിപ്പിക്കാവു എന്നും തീം പാർക്കിലെ സ്വിമ്മിംഗ് പൂൾ അടക്കമുളളവ തുറന്ന് പ്രവർത്തിപ്പിക്കരുതെന്നും കോടതി വ്യക്തമാക്കി. ഇക്കാര്യം ജില്ലാ കളക്ടർ ഉറപ്പാക്കണമെന്നും കോടതി നിർദേശിച്ചു.
കേസില് സര്ക്കാരിന്റെ വിശദീകരണം ഹൈക്കോടതി തേടി. പി വി അന്വര് ഉള്പ്പെട്ട പന്ത്രണ്ട് എതിര്കക്ഷികള്ക്ക് കോടതി നോട്ടീസ് നല്കി. ഹര്ജി രണ്ടാഴ്ചയ്ക്ക് ശേഷം പരിഗണിക്കും.
പാർക്ക് തുറക്കാനുള്ള ഉത്തരവ് റദ്ദാക്കണമെന്നും പാർക്കിലെ അനധികൃത നിർമാണങ്ങൾ പൊളിക്കണമെന്നും ആവശ്യപ്പെട്ട് നദീതട സംരക്ഷണ സമിതി പ്രവർത്തകൻ പി.വി. രാജൻ സമർപ്പിച്ച ഹർജി പരിഗണിക്കുന്ന വേളയിലാണ് കോടതി ഇക്കാര്യങ്ങൾ വ്യക്തമാക്കിയത്.
ഇക്കഴിഞ്ഞ ഓഗസ്റ്റിലാണ് കോഴിക്കോട് കക്കാടം പൊയിലിലെ പി വി അന്വറിന്റെ പാര്ക്ക് ഭാഗികമായി തുറക്കാന് സര്ക്കാര് അനുമതി നല്കിയത്. ആദ്യഘട്ടത്തില് കുട്ടികളുടെ പാര്ക്കാകും തുറക്കുക. പ്രദേശത്ത് അപകടസാധ്യതയില്ലെന്ന ദുരന്തനിവാരണ അതോറിറ്റിയുടെ റിപ്പോര്ട്ടിന്റെ അടിസ്ഥാനത്തിലാണ് സര്ക്കാര് അനുമതി നല്കിയിരുന്നത്.
പിവിആര് നാച്ചുറോ പാര്ക്ക് തുറന്ന് പ്രവര്ത്തിപ്പിക്കാന് അനുവദിക്കണം എന്ന് ആവശ്യപ്പെട്ട് പിവി അന്വര് എംഎല്എ സര്ക്കാരിന് അപേക്ഷ സമര്പ്പിച്ചിരുന്നു. തുടര്ന്ന് പാര്ക്കിനെ കുറിച്ച് പഠിക്കാന് സര്ക്കാര് ദുരന്ത നിവാരണ അതോറിറ്റിയെ ചുമതലപ്പെടുത്തുകയായിരുന്നു. ദുരന്തനിവാരണ അതോറിറ്റി സമര്പ്പിച്ച നിര്ദേശങ്ങളുടെ അടിസ്ഥാനത്തിലാണ് കുട്ടികളുടെ പാര്ക്ക് പ്രവര്ത്തിക്കുന്ന ഭാഗം തുറന്ന് കൊടുക്കാന് അനുമതി നല്കിയിരുന്നത്. കുട്ടികളുടെ പാര്ക്കിന്റെ പ്രവര്ത്തനം സ്റ്റീല് ഫെന്സിങ്ങിന് ഉള്ളില് ആയിരിക്കണം എന്നും വാട്ടര് റൈഡുകള് നിര്മിച്ച സ്ഥലവുമായി ഇതിന് ബന്ധം ഇല്ല എന്ന് പാര്ക്കിന്റെ ഉടമ ഉറപ്പ് വരുത്തണം എന്ന് ഉത്തരവില് പറഞ്ഞിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
