അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: സെന്റുറി ക്ലബ് വെണ്ണല കൊച്ചി (Century Club Vennala Kochi ) ഈ വർഷത്തെ ഓണാഘോഷം വിപുലമായ പരിപാടികളോടെ സെപ്റ്റംബര്‍ 16 ന് ആഘോഷിക്കുകയാണ്.
പ്രശസ്ത സിനിമ താരം നിഖില വിമൽ പ്രധാന അതിഥിയായി പങ്കെടുക്കുന്ന പരിപാടിയിൽ, സുപ്രസിദ്ധ സിനിമ ടെലിവിഷൻ താരങ്ങളായ നിയാസ് ബെക്കർ, മഞ്ഞു വിജീഷ്, ഫഹദ്, ജയദേവ് കലവൂർ, ബിന്ദുജ എന്നിവർ അവതരിപ്പിക്കുന്ന സ്റ്റേജ് ഷോ, സെന്റുറി ക്ലബ് വനിതാ വിഭാഗം അവതരിപ്പിക്കുന്ന തിരുവാതിര, ഡാൻസ്, ക്ലബ് മ്യൂസിക് വിഭാഗത്തിന്റെ സംഗീത പരിപാടികൾ എന്നിവ ഉണ്ടായിരിക്കും.
16.09.2023 വൈകിട്ട് 6 മണിക്ക് തുടങ്ങുന്ന പരിപാടികൾക്കൊപ്പം അംഗങ്ങൾക്കും, അതിഥികൾക്കും, കുടുംബാംഗങ്ങൾക്കും ഓണസദ്യയും ഒരുക്കുന്നു.
ഈ വർഷത്തെ ഓണം ഒരു ഗംഭീര ഉത്സവം തന്നെ ആക്കിക്കൊണ്ട് ഈ മാസം ആറിന് തുടങ്ങിയ കായിക മത്സരങ്ങളായ ഫുട്ബോൾ, ക്രിക്കറ്റ്, ബാഡ്മിന്റൺ, ടേബിൾ ടെന്നീസ്, ചെസ്സ്, ക്യാരം, വാട്ടർ പോളോ എന്നീ മത്സരങ്ങളിൽ നിരവധി അംഗങ്ങൾ പങ്കെടുത്തു.
ക്ലബ് വനിതാ വിഭാഗത്തിന്റെ നേതൃത്വത്തിൽ ഇന്നും തുടർന്ന വിവിധ മത്സര ഇനങ്ങളായ മ്യൂസിക്കൽ ചെയർ, ലെമണ് & സ്പൂൺ, ക്യാൻഡിൽ റെയ്‌സ്, ബൺ ബയ്റ്റ്, ഷോട്ട് പുട്ട്, വടം വലി മത്സരങ്ങളിൽ അനവധി പുരുഷ വനിതാ അംഗങ്ങൾ പങ്കെടുത്തു.
