നേ​താ​ജി​യു​ടെ സ​ഹോ​ദ​ര​ന്‍റെ ചെ​റു​മ​ക​ൻ ബി​ജെ​പി വി​ട്ടു

കോ​ൽ​ക്ക​ത്ത: നേ​താ​ജി സു​ഭാ​ഷ് ച​ന്ദ്ര​ബോ​സി​ന്‍റെ സ​ഹോ​ദ​രന്‍റെ ചെ​റു​മ​ക​നും ബി​ജെ​പി പ​ശ്ചി​മ ബം​ഗാ​ൾ മു​ൻ വൈ​സ് പ്ര​സി​ഡ​ന്‍റു​മാ​യ ച​ന്ദ്രകു​മാ​ർ ബോ​സ് പാ​ർ​ട്ടി അം​ഗ​ത്വം ഉ​പേ​ക്ഷി​ച്ചു. നേതാജിയുടെ ആശയങ്ങൾ പ്രചരിപ്പിക്കുന്നതിൽ പാർട്ടിയുടെ കേന്ദ്ര നേതൃത്വത്തിന്റെയും പശ്ചിമ ബംഗാൾ നേതൃത്വത്തിന്റെയും പിന്തുണയില്ലെന്ന് ചൂണ്ടിക്കാട്ടിയാണ് രാജി.

നേതാജി സുഭാഷ് ചന്ദ്രബോസിന്റെയും ആശയങ്ങൾ പ്രചരിപ്പിക്കുന്നതിനുള്ള എല്ലാ പിന്തുണയുമുണ്ടാകുമെന്ന് പാർട്ടി വാഗ്ദാനം ചെയ്തിരുന്നതായി ബിജെപി അധ്യക്ഷൻ ജെപി നദ്ദയ്ക്കയച്ച കത്തിൽ അദ്ദേഹം വ്യക്തമാക്കി. എന്നാൽ അത്തരത്തിൽ ഒരു നടപടിയും ഉണ്ടായില്ലെന്നും അദ്ദേഹം ആരോപിച്ചു.

പാർട്ടിയുമായുള്ള തന്റെ ചർച്ചകൾ ബോസ് സഹോദരന്മാരുടെ എല്ലാവരെയും ഉൾക്കൊള്ളുന്ന പ്രത്യയശാസ്ത്രത്തെ കേന്ദ്രീകരിച്ചായിരുന്നു. ഇതേ പ്രത്യശാസ്ത്രം പ്രചരിപ്പിക്കാൻ പാർട്ടി തനിക്ക് അവസരമൊരുക്കുമെന്നായിരുന്നു ധാരണ. എന്നാൽ അത് ഉണ്ടായില്ല, ചന്ദ്രകുമാർ ബോസ് കത്തിൽ പറയുന്നു.
 
ഈ ​സാ​ഹ​ച​ര്യ​ത്തി​ൽ ബി​ജെ​പി​യി​ൽ തു​ട​രാ​ൻ ത​ന്‍റെ മ​ന​സാ​ക്ഷി അ​നു​വ​ദി​ക്കു​ന്നി​ല്ല. ബി​ജെ​പി​യു​ടെ സം​ഘ​ട​നാ​സം​വി​ധാ​ന​ത്തി​നു​ള്ളി​ൽ നി​ന്നു​കൊ​ണ്ട് ത​ന്നെ “ആ​സാ​ദ് ഹി​ന്ദ് മോ​ർ​ച്ച’ സ്ഥാ​പി​ക്കാ​നു​ള്ള അ​നു​മ​തി ത​രാ​മെ​ന്ന ധാ​ര​ണ​യും പാ​ർ​ട്ടി ലം​ഘി​ച്ചു.

നേ​താ​ജി സു​ഭാ​ഷ് ച​ന്ദ്രബോ​സി​ന്‍റെ മൂ​ത്ത സ​ഹോ​ദ​ര​നും ആ​ചാ​ര്യ​നു​മാ​യ ത​ന്‍റെ മു​ത്ത​ച്ഛ​ൻ ശ​ര​ത്ച​ന്ദ്ര ബോ​സി​ന്‍റെ 134-ാം ജ​ന്മ​വാ​ർ​ഷി​ക​ത്തി​ലാ​ണ് ബി​ജെ​പി വി​ടാ​നു​ള്ള തീ​രു​മാ​നം എ​ടു​ത്ത​തെ​ന്നും ച​ന്ദ്രകു​മാ​ർ ബോ​സ് വ്യ​ക്ത​മാ​ക്കി.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം