ലാൻഡറിന്റെ വാതിൽ തുറന്നു, റോവർ പുറത്തേയ്‌ക്ക്; ചന്ദ്രയാനിൽ നിന്നുള്ള ആദ്യ ചിത്രം പുറത്ത്‌

ബെംഗളൂരു: ചന്ദ്രയാൻ 3ന്റെ സോഫ്റ്റ് ലാൻഡിങ്ങിനു നാല് മണിക്കൂറുകൾക്കു ശേഷം റോവർ പുറത്തേയ്ക്ക്. ലാൻഡർ മൊഡ്യൂളിന്റെ ഉള്ളിലുള്ള പ്രഗ്യാൻ റോവർ ചന്ദ്രോപരിതലത്തിലിറങ്ങാനുള്ള നടപടിക്രമങ്ങളാണ് തുടങ്ങിയത്. റോവർ പുറത്തിറങ്ങാൻ നാല് മണിക്കൂർ അല്ലെങ്കിൽ ഒരു ദിവസം വരെ എടുക്കാമെന്നാണ് ഐഎസ്ആർഒ ചെയർമാൻ ഡോ. എസ്‌ സോമനാഥ്‌ ലാൻഡിങ്ങിനു പിന്നാലെ പറഞ്ഞിരുന്നത്.ലാ​ൻ​ഡ​റി​ന്‍റെ വാ​തി​ൽ തു​റ​ന്ന് റോ​വ​ർ പു​റ​ത്തേ​ക്ക് ഇ​റ​ങ്ങു​ന്ന​തി​ന്‍റെ ദൃ​ശ്യ​ങ്ങ​ൾ ഇ​സ്റോ പു​റ​ത്തു​വി​ട്ടു.

ലാ​ൻ​ഡിം​ഗി​ന് ശേ​ഷം ച​ന്ദ്രോ​പ​രി​ത​ല​ത്തി​ൽ ഉ​യ​ർ​ന്നു​പൊ​ങ്ങി​യ പൊ​ടി​പ​ട​ല​ങ്ങ​ൾ കെ​ട്ട​ട​ങ്ങി​യ ശേ​ഷ​മാ​ണ് റോ​വ​ർ പു​റ​ത്തി​റ​ങ്ങി​യ​ത്. ച​ന്ദ്ര​നി​ലെ ഗു​രു​ത്വാ​ക​ർ​ഷ​ണ​ബ​ലം മൂ​ലം പൊ​ടി​പ​ട​ല​ങ്ങ​ൾ താ​ഴേ​ക്ക് വ​രാ​ൻ ഏ​റെ സ​മ​യ​മെ​ടു​ക്കു​മെ​ന്ന​തി​നാ​ൽ, റോ​വ​ർ പെ​ട്ടെ​ന്ന് പു​റ​ത്തി​റ​ക്കാ​ൻ സാ​ധി​ക്കി​ല്ലെ​ന്ന് ഇ​സ്റോ അ​റി​യി​ച്ചി​രു​ന്നു.

റോ​വ​ർ അ​തി​വേ​ഗം പു​റ​ത്തി​റ​ക്കാ​ൻ ശ്ര​മി​ച്ചാ​ൽ അ​തി​ൽ ഘ​ടി​പ്പി​ച്ചി​രി​ക്കു​ന്ന കാ​മ​റ​ക​ളും മ​റ്റ് യ​ന്ത്ര​ഭാ​ഗ​ങ്ങ​ളും ന​ശി​ക്കാ​ൻ സാ​ധ്യ​ത​യു​ണ്ടെ​ന്ന് ശാ​സ്ത്ര​ജ്ഞ​ർ നേ​ര​ത്തെ വ്യ​ക്ത​മാ​ക്കി​യി​രു​ന്നു. ഇ​തി​നാ​ൽ സോ​ഫ്റ്റ് ലാ​ൻ​ഡിം​ഗ് പൂ​ർ​ത്തി​യാ​ക്കി ഒ​രു ദി​വ​സ​മെ​ങ്കി​ലും ക​ഴി​ഞ്ഞ ശേ​ഷം റോ​വ​ർ പു​റ​ത്തി​റ​ക്കാ​നാ​ണ് ഇ​സ്റോ നി​ശ്ചി​യി​ച്ചി​രു​ന്ന​ത്.
എ​ന്നാ​ൽ ച​ന്ദ്ര​നി​ലെ സാ​ഹ​ച​ര്യ​ങ്ങ​ൾ അ​നു​കൂ​ല​മാ​യ​തോ​ടെ റോ​വ​ർ രാ​ത്രി 10-ന് ​പു​റ​ത്തി​റ​ക്കു​ക​യാ​യി​രു​ന്നു.

  
ഐഎസ്ആര്‍ഒയുടെ ചാന്ദ്ര ദൗത്യത്തില്‍ ചന്ദ്രനെ ചുറ്റുന്ന ഓര്‍ബിറ്ററും ചന്ദ്രനിലിറങ്ങുന്ന വിക്രം ലാന്‍ഡറും നിര്‍ണായകമെങ്കിലും ചന്ദ്രനില്‍ സഞ്ചരിച്ചുകൊണ്ട് വിവരങ്ങള്‍ നമുക്ക് കൈമാറുക പ്രഗ്യാന്‍ റോവറായിരിക്കും. ചന്ദ്രോപരിതലത്തില്‍ സഞ്ചരിക്കുന്ന റോവർ വിവരങ്ങള്‍ ശേഖരിച്ച് ലാന്‍ഡറിലേക്ക് കൈമാറും. ലാന്‍ഡര്‍ അത് ഓര്‍ബിറ്ററിലേക്കും ഓര്‍ബിറ്റര്‍ ഭൂമിയിലേക്കും ആ വിവരങ്ങള്‍ കൈമാറും. റോവറിന്റെ മുന്നിലായുള്ള രണ്ട് 1 മെഗാപിക്‌സല്‍ മോണോക്രോമാറ്റിക് ക്യാമറകള്‍ വഴിയാണ് ഭൂമിയുള്ള ശാസ്ത്രജ്ഞര്‍ക്ക് ദൃശ്യങ്ങള്‍ ലഭ്യമാവുക. ചന്ദ്രന്റെ ഉപരിതലത്തിന്റെ ത്രിഡി രൂപം ലഭിക്കുന്നതോടെ റോവറിന്റെ സഞ്ചാര പാത എളുപ്പം തീരുമാനിക്കാന്‍ സാധിക്കും

 
ച​ന്ദ്ര​ന്‍റെ ദ​ക്ഷി​ണ​ദ്രു​വ​ത്തി​ൽ ഇ​ന്ന് വൈ​കി​ട്ട് ആ​റി​നാണ് ലാ​ൻ​ഡ​ർ സോ​ഫ്റ്റ് ലാ​ൻ​ഡിം​ഗ് ന​ട​ത്തി​യ​ത്. ച​ന്ദ്ര​ന്‍റെ ദ​ക്ഷി​ണ ധ്രു​വ​ത്തി​ൽ സോ​ഫ്റ്റ് ലാ​ൻ​ഡിം​ഗ് ന​ട​ത്തു​ന്ന ആ​ദ്യ​ത്തെ രാ​ജ്യ​മെ​ന്ന ച​രി​ത്ര നേ​ട്ട​മാ​ണ് ഇ​തോ​ടെ പി​റ​ന്ന​ത്.

യു​എ​സ്, റ​ഷ്യ, ചൈ​ന എ​ന്നീ രാ​ജ്യ​ങ്ങ​ൾ​ക്ക് പി​ന്നാ​ലെ ച​ന്ദ്ര​നി​ൽ സോ​ഫ്റ്റ് ലാ​ൻ​ഡിം​ഗ് ന​ട​ത്തു​ന്ന നാ​ലാ​മ​ത്തെ രാ​ജ്യ​മെ​ന്ന റി​ക്കാ​ർ​ഡും ഇ​ന്ത്യ സ്വ​ന്ത​മാ​ക്കി​യി​രു​ന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം