പുരാവസ്തു തട്ടിപ്പ് കേസ്: ഐജി ലക്ഷ്മൺ അറസ്റ്റിൽ

കൊ​ച്ചി: മോ​ന്‍​സ​ൻ മാ​വു​ങ്ക​ല്‍ പ്ര​തി​യാ​യ പുരാവസ്തു തട്ടിപ്പ് കേസിൽ ഐജി ലക്ഷ്മൺ അറസ്റ്റിൽ. മുൻകൂർ ജാമ്യമുള്ളതിനാൽ 50,000 രൂപയുടെ ബോണ്ടിൽ വിട്ടയച്ചു. കേസിൽ മൂന്നാം പ്രതിയാണ് ഐജി ലക്ഷ്മൺ.

ഇന്ന് രാവിലെ ഐജി ജി ലക്ഷ്മൺ ചോദ്യംചെയ്യലിനായി കളമശ്ശേരി ക്രൈം ബ്രാഞ്ച് ഓഫീസിൽ ഹാജരായിരുന്നു. പുരാവസ്തു തട്ടിപ്പു കേസിൽ ഐജി ജി.ലക്ഷ്മൺ മുഖ്യ ആസൂത്രകനെന്നു ക്രൈം ബ്രാഞ്ച് നേരത്തെ കണ്ടെത്തിയിരുന്നു. നിരവധി തവണ ചോദ്യം ചെയ്യലിന് നോട്ടീസ് നൽകിയിരുന്നെങ്കിലും അദ്ദേഹം ഹാജരായിരുന്നില്ല. ഐജി അന്വേഷണത്തിൽ നിന്ന് ഒളിച്ചോടാൻ ശ്രമിക്കുകയാണെന്നായിരുന്നു ക്രൈം ബ്രാഞ്ചിന്റെ ആരോപണം.
 
അ​റ​സ്റ്റ് ചെ​യ്താ​ൽ ജാ​മ്യ​ത്തി​ൽ വി​ട​ണ​മെ​ന്ന് ഹൈ​ക്കോ​ട​തി ക്രൈം​ബ്രാ​ഞ്ചി​ന് നി​ർ​ദേ​ശം ന​ൽ​കി​യി​രു​ന്നു. ജാ​മ്യം റ​ദ്ദാ​ക്കാ​ൻ കോ​ട​തി​യി​ൽ അ​പേ​ക്ഷ ന​ൽ​കു​മെ​ന്ന് ക്രൈം​ബ്രാ​ഞ്ച് വ്യ​ക്ത​മാ​ക്കി.
 
മ​റ്റൊ​രു പ്ര​തി​യാ​യ മു​ന്‍ ഡി​ഐ​ജി എ​സ്. സു​രേ​ന്ദ്ര​നെ ര​ണ്ടു ത​വ​ണ ഇ​ഡി ചോ​ദ്യം ചെ​യ്തി​രു​ന്നു. ല​ക്ഷ്മ​ണി​നെ അ​റ​സ്റ്റ് ചെ​യ്ത് ചോ​ദ്യം ചെ​യ്തി​ല്ലെ​ങ്കി​ൽ കേ​സി​ൽ പു​രോ​ഗ​തി​യു​ണ്ടാ​വി​ല്ലെ​ന്ന് പോ​ലീ​സ് മേ​ധാ​വി​യെ​യും കോ​ട​തി​യെ​യും ക്രൈം​ബ്രാ​ഞ്ച് അ​റി​യി​ച്ചി​രു​ന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം