വ​ന്ദേ​ഭാ​ര​തി​ൽ മു​ഖ്യ​മ​ന്ത്രിക്ക് കന്നിയാത്ര; കണ്ണൂർ സ്റ്റേഷനിൽ വൻ സുരക്ഷാ സന്നാഹം

കണ്ണൂർ: കനത്ത സുരക്ഷയിൽ മുഖ്യമന്ത്രി പിണറായി വിജയന് വന്ദേ ഭാരത് എക്‌സ്പ്രസിൽ കന്നിയാത്ര. കണ്ണൂരിൽ നിന്നും എറണാകുളത്തേക്ക് ഇന്ന് വൈകിട്ടാണ് മുഖ്യമന്ത്രി യാത്ര ചെയ്തത്. സ്വകാര്യ ചടങ്ങിന് കണ്ണൂരെത്തിയതായിരുന്നു മുഖ്യമന്ത്രി. വൈ​കു​ന്നേ​രം 3.40-ന് ​ക​ണ്ണൂ​രി​ല്‍​നി​ന്ന് പു​റ​പ്പെ​ട്ട ട്രെ​യി​നി​ലെ എ​ക്‌​സി​ക്യൂ​ട്ടീ​വ് കോ​ച്ചി​ലാ​ണ് മു​ഖ്യ​മ​ന്ത്രി ക​യ​റി​യ​ത്.

മു​ഖ്യ​മ​ന്ത്രി​യു​ടെ യാ​ത്ര​യോ​ട​നു​ബ​ന്ധി​ച്ച് എ​റ​ണാ​കു​ളം വ​രേ​യു​ള്ള സ്റ്റേ​ഷ​നു​ക​ളി​ല്‍ വ​ന്‍ സു​ര​ക്ഷ​യാ​ണ് ഒ​രു​ക്കി​യ​ത്. മു​ഖ്യ​മ​ന്ത്രി യാ​ത്ര​ചെ​യ്ത കോ​ച്ച് പൂ​ര്‍​ണ​മാ​യും സു​ര​ക്ഷാ ഉ​ദ്യോ​ഗ​സ്ഥ​രു​ടെ നി​യ​ന്ത്ര​ണ​ത്തി​ലാ​യി​രു​ന്നു. മന്ത്രി അഹമ്മദ് ദേവർ കോവിലും ട്രെയിനിൽ ഉണ്ടായിരുന്നു. 

നേരത്തെ തിരുവനന്തപുരത്തേക്കുള്ള യാത്രയിൽ വിമാനത്തിൽ വച്ച് പ്രതിഷേധം ഉണ്ടായ സാഹചര്യത്തിൽ വലിയ മുൻകരുതലാണ് പോലീസിന്റെ ഭാഗത്ത് നിന്നും ഉണ്ടായത്.ക​ണ്ണൂ​രും കാ​സ​ർ​ഗോ​ഡു​മാ​യി ക​ഴി​ഞ്ഞ ഒ​രാ​ഴ്ച​ക്കി​ട​യി​ല്‍ ട്രെ​യി​നു​ക​ള്‍​ക്ക് നേ​രേ നാ​ലു​ത​വ​ണ​യാ​ണ് ക​ല്ലേ​റു​ണ്ടാ​യ​ത്.  

ട്രെ​യി​ന്‍ പു​റ​പ്പെ​ടു​ന്ന​തി​ന് മു​മ്പ് ഡ്രോ​ണ്‍ പ​റ​ത്തി​യും പ​രി​ശോ​ധ​ന ന​ട​ത്തി.  ഡോഗ് സ്‌ക്വാഡും സ്‌റ്റേഷനിലെത്തി. അതേസമയം, സ്റ്റേഷനുള്ളില്‍ മറ്റു യാത്രക്കാര്‍ക്ക് വലിയ നിയന്ത്രണങ്ങള്‍ ഏര്‍പ്പെടുത്തിയിരുന്നില്ല. കൂ​ത്തു​പ​റ​മ്പി​ല്‍ ഒ​രു വി​വാ​ഹ​ച്ച​ട​ങ്ങി​ല്‍ പ​ങ്കെ​ടു​ക്കാ​ന്‍ വെ​ള്ളി​യാ​ഴ്ച വൈ​കു​ന്നേ​ര​മാ​ണ് മു​ഖ്യ​മ​ന്ത്രി ക​ണ്ണൂ​രി​ലെ​ത്തി​യ​ത്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം