അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: ഓണത്തോടനുബന്ധിച്ച് ക്ഷേമപെന്ഷന് വിതരണത്തിനായി 1,762 കോടി രൂപ അനുവദിച്ചതായി മുഖ്യമന്ത്രി പിണറായി വിജയന്. 60 ലക്ഷത്തോളം ഗുണഭോക്താക്കള്ക്ക് 3,200 രൂപവീതമാണ് പെന്ഷന്.
സാമൂഹ്യ സുരക്ഷാ പെന്ഷന് നല്കുന്നതിനായി 1,550 കോടി രൂപയും സര്ക്കാര് സഹായത്തോടെ പ്രവര്ത്തിക്കുന്ന ക്ഷേമനിധി ബോര്ഡുകള്ക്ക് പെന്ഷന് വിതരണത്തിന് 212 കോടി രൂപയുമാണ് അനുവദിച്ചത്.
ഈ മാസം രണ്ടാം വാരം മുതല് പെന്ഷന് വിതരണം ആരംഭിക്കുമെന്നും 23-ാം തീയതി വരെ തുടരുമെന്നും മുഖ്യമന്ത്രി പ്രസ്താവനയില് വ്യക്തമാക്കി.
പെന്ഷന് ഗുണഭോക്താക്കളില് പകുതിയോളം പേര്ക്ക് ബാങ്ക് അക്കൗണ്ടില് പെന്ഷന് തുക എത്തും. ബാക്കിയുള്ളവര്ക്ക് സഹകരണ സംഘങ്ങള് വഴിയാണ് പെന്ഷന് വിതരണം ചെയ്യുക.
കേന്ദ്രത്തിൽ നിന്ന് ന്യായമായും ലഭിക്കേണ്ട പല പദ്ധതി, നികുതി വിഹിതങ്ങളും പിടിച്ചുവെക്കപ്പെട്ടതുകൊണ്ട് കേരളം വലിയ സാമ്പത്തിക ഞെരുക്കം നേരിടുകയാണ്. ഈ പ്രതിസന്ധി ഘട്ടത്തിലും അവശ ജനവിഭാഗത്തിന്റെ ക്ഷേമമുറപ്പാക്കാനുള്ള നിരവധി നടപടികളാണ് എൽഡിഎഫ് സർക്കാർ സ്വീകരിച്ചു വരുന്നത്. മുടക്കമില്ലാതെ തുടർന്നുവരുന്ന ക്ഷേമപെൻഷൻ വിതരണം ഈ ജനകീയ വികസന കാഴ്ചപ്പാടിന്റെ തുടർച്ചയാണ്. എല്ലാവരും സംതൃപ്തിയോടെ ജീവിക്കുന്ന കൂടുതൽ സുന്ദരമായ കേരളത്തെ കെട്ടിപ്പടുക്കാനുള്ള ചുവടുവെപ്പുകളാണ് ഈ വികസന നടപടികളെന്ന് മുഖ്യമന്ത്രി പ്രസ്താവനയില് വ്യക്തമാക്കി.
https://www.youtube.com/watch?v=LEo86PnhFes
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
