അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കോഴിക്കോട്: കോഴിക്കോട് എട്ടുകിലോ തൂക്കമുള്ള ആനക്കൊമ്പുമായി നാല് പേരെ വനംവകുപ്പ് ഫ്ലൈയിംഗ് സ്ക്വാഡും വിജിലൻസും ചേര്‍ന്ന് പിടികൂടി. മലപ്പുറം സ്വദേശികളായ ജാഫർ സാദ്ദിഖ്, മുഹമ്മദ് ബാസിൽ, അബ്ദുൾ റഷീദ് , ഷുക്കൂർ എന്നിവരെയാണ് ആനക്കൊമ്പുമായി പിടികൂടിയത്. പിടിയിലായ ഇവർക്ക് ആനക്കൊമ്പ് എത്തിച്ച് നൽകിയ ആൾക്കായി അനേഷണം തുടരുകയാണ്.
ഇവരുടെ പക്കൽ ആനക്കൊമ്പ് ഉണ്ടെന്ന രഹസ്യ വിവരത്തെ തുടർന്ന് വാങ്ങിക്കാനെന്ന വ്യാജേന ഉദ്യോഗസ്ഥർ ഇവരെ കെ.എസ്.ആർ.ടി.സി ബസ് സ്റ്റാൻഡിന് സമീപത്തേക്ക് വരുത്തി. ഇവിടെ നിന്നും ബാങ്ക് റോഡിലേക്ക് ഇവരെ എത്തിച്ച വനംവകുപ്പ് ഉദ്യോഗസ്ഥർക്ക് ചാക്കിൽ പൊതിഞ്ഞ ആനക്കൊമ്പ് പുറത്തെടുത്ത് കാണിച്ചു. ആ സമയത്ത് ഫ്ലൈയിങ് സ്ക്വാഡും കൂടെ എത്തി ഇവരെ പിടികൂടി.
അന്വേഷണ സംഘം ഇവരെ വിശദമായി ചോദ്യം ചെയ്ത് വരികയാണ്. പ്രതികളെ ഇന്ന് കോടതിയിൽ ഹാജരാക്കും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
