‘കോൺഗ്രസ് പാർട്ടിയുടെ ചലിക്കുന്ന നേതാവ്’; ഉ​മ്മ​ൻ ചാ​ണ്ടി​യെ അ​നു​സ്മ​രി​ച്ച് മു​ഖ്യ​മ​ന്ത്രി

തി​രു​വ​ന​ന്ത​പു​രം: ശോ​ഭി​ക്കു​ന്ന ഭ​ര​ണാ​ധി​കാ​രി​യും കോ​ൺ​ഗ്ര​സ് പാ​ർ​ട്ടി​യു​ടെ ഏ​റ്റ​വും ച​ലി​ക്കു​ന്ന നേ​താ​വു​മാ​യി​രു​ന്നു ഉ​മ്മ​ൻ ചാ​ണ്ടി​യെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. കെ​പി​സി​സി സം​ഘ​ടി​പ്പി​ച്ച ഉ​മ്മ​ൻ ചാ​ണ്ടി അ​നു​സ്മ​ര​ണ ച​ട​ങ്ങി​ലാ​ണ് മു​ഖ്യ​മ​ന്ത്രി ഈ ​അ​ഭി​പ്രാ​യ​പ്ര​ക​ട​നം ന​ട​ത്തി​യ​ത്.

ജീ​വി​ത​കാ​ലം മു​ഴു​വ​ന്‍ കോ​ണ്‍​ഗ്ര​സ് പാ​ര്‍​ട്ടി​യെ ശ​ക്തി​പ്പെ​ടു​ത്തി​യ നേ​താ​വാ​യി​രു​ന്നു ഉ​മ്മ​ന്‍ ചാ​ണ്ടി. വി​ദ്യാ​ര്‍​ഥി ജീ​വി​ത​കാ​ലം തൊ​ട്ട് സ​ജീ​വ രാ​ഷ്ട്രീ​യ രം​ഗ​ത്തു​ണ്ടാ​യ അദ്ദേഹം കോ​ണ്‍​ഗ്ര​സി​ന്‍റെ മി​ക​ച്ച സം​ഘാ​ട​ക​നും നേ​താ​വു​മാ​യി​രു​ന്നു. പുതുപ്പള്ളി മണ്ഡലത്തെ പ്രതിനിധീകരിച്ച് 53 വർഷവും ഉമ്മൻ ചാണ്ടി നിലകൊണ്ടു. പാർലമെന്ററി പ്രവർത്തനത്തിൽ അതൊരു റെക്കോർഡാണെന്നും മുഖ്യമന്ത്രി കൂട്ടിച്ചേർത്തു.

കേരളത്തിൽ പ്രധാനപ്പെട്ട വിവിധ വകുപ്പുകൾ അദ്ദേഹം നല്ല രീതിയിൽ കൈകാര്യം ചെയ്തു. പാർട്ടിയെ എല്ലാ രീതിയിലും ശക്തിപ്പെടുത്തി. കേരളത്തിൽ കോൺഗ്രസ് പാർട്ടിയുടെ ചലിക്കുന്ന നേതാവായി അദ്ദേഹം മാറി. യുഡിഎഫിലെ ചോദ്യം ചെയ്യപ്പെടാനാകാത്ത നേതാവാണ് ഉമ്മൻ ചാണ്ടി.

Also read : ചുമയ്ക്കുള്ള സിറപ് കഴിച്ച് കുട്ടികള്‍ മരിച്ച സംഭവം; ഇന്ത്യക്കെതിരെ നിയമനടപടി തുടങ്ങി ഗാംബിയ സര്‍ക്ക‍ാര്‍

ഒ​ടു​വി​ല്‍ രോ​ഗം വേ​ട്ട​യാ​ടു​ന്ന അ​വ​സ്ഥ വ​ന്നെ​ങ്കി​ലും ഒ​രു​ഘ​ട്ട​ത്തി​ലും ഉ​മ്മ​ന്‍ ചാ​ണ്ടി പ​ത​റി​യി​രു​ന്നി​ല്ല. രോ​ഗാ​വ​സ്ഥ​യി​ല്‍ ഒ​രു പ​രി​പാ​ടി​യി​ല്‍ വ​ച്ച് അ​ദ്ദേ​ഹ​ത്തെ ക​ണ്ട​പ്പോ​ള്‍ നേ​ര​ത്തെ ക​ണ്ട​തി​നെ​ക്കാ​ള്‍ പ്ര​സ​രി​പ്പും ഉ​ന്മേ​ഷ​വും വീ​ണ്ടെ​ടു​ത്തി​രു​ന്നു.

അ​ദ്ദേ​ഹ​ത്തെ ചി​കി​ത്സി​ച്ച ഡോ​ക്ട​റു​മാ​യി സം​സാ​രി​ച്ച​പ്പോ​ൾ ഉ​മ്മ​ൻ ചാ​ണ്ടി​ക്ക് വി​ശ്ര​മം വേ​ണ​മെ​ന്നാ​ണ് നി​ർ​ദേ​ശി​ച്ച​ത്. എ​ന്നാ​ല്‍ ഉ​മ്മ​ന്‍​ചാ​ണ്ടി​യു​ടെ നി​ഘ​ണ്ടു​വി​ല്‍ വി​ശ്ര​മ​മെ​ന്നൊ​രു പ​ദ​മി​ല്ലെ​ന്ന് ന​മു​ക്ക​റി​യാം. ഉ​മ്മ​ന്‍ ചാ​ണ്ടി​യു​ടെ വി​യോ​ഗം കോ​ണ്‍​ഗ്ര​സ് പാ​ര്‍​ട്ടി​ക്കും യു​ഡി​എ​ഫി​നും വ​ലി​യ ന​ഷ്ട​മാ​ണ് ഉ​ണ്ടാ​ക്കി​യ​തെ​ന്നും അ​ത് എ​ളു​പ്പം നി​ക​ത്താ​നാ​വു​ക​യി​ല്ലെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.

തിരുവനന്തപുരത്ത് അയ്യങ്കാളി ഹാളിൽ നടക്കുന്ന ചടങ്ങിൽ വിവിധ രാഷ്ട്രീയ കക്ഷി നേതാക്കളും മത സാമുദായിക നേതാക്കളും പങ്കെടുക്കുന്നു. ഉമ്മൻചാണ്ടി അനുസ്മരണത്തിലേക്ക് മുഖ്യമന്ത്രിയെ ക്ഷണിക്കാൻ എ.കെ ആന്റണിയും രമേശ് ചെന്നിത്തലയുമാണ് നിർദേശിച്ചത്. കെ.സുധാകരനും വി.ഡി.സതീശനും ഇതിൽ എതിർപ്പുണ്ടായിരുന്നു. ഇവർ പിന്നീട് നേതൃത്വത്തിന്റെ നിർബന്ധത്തിന് വഴങ്ങുകയായിരുന്നു.
 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം