‘പൊതുപ്രവർത്തന രംഗത്തേക്കില്ല; ചാണ്ടി ഉമ്മൻ യോഗ്യൻ, പാർട്ടി തീരുമാനിക്കട്ടെ’: അച്ചു ഉമ്മൻ

കോ​ട്ട​യം: രാ​ഷ്ട്രീ​യ രം​ഗ​ത്ത് സ​ജീ​വ​മാ​കാ​നി​ല്ലെ​ന്ന് വെ​ളി​പ്പെ​ടു​ത്തി മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യു​ടെ മ​ക​ൾ അ​ച്ചു ഉ​മ്മ​ൻ. പു​തു​പ്പ​ള്ളി നി​യ​മ​സ​ഭാ മ​ണ്ഡ​ല​ത്തി​ലേക്കുള്ള ഉ​പ​തെ​ര​ഞ്ഞെ​ടു​പ്പി​ൽ, ഉ​മ്മ​ൻ ചാ​ണ്ടി​യു​ടെ പി​ൻ​ഗാ​മി​യാ​യി അ​ച്ചു ഉ​മ്മ​ൻ, സ​ഹോ​ദ​ര​ൻ ചാ​ണ്ടി ഉ​മ്മ​ൻ എ​ന്നി​വ​രി​ൽ ആ​ര് മ​ത്സ​രി​ക്കു​മെ​ന്ന അ​ഭ്യൂ​ഹം നി​ല​നി​ൽ​ക്കു​ന്ന​തി​നി​ടെ​യാ​ണ് അ​ച്ചു​വി​ന്‍റെ ഈ ​പ്ര​സ്താ​വ​ന.

സ്ഥാനാർഥിത്വത്തെ ചൊല്ലിയുള്ള ചർച്ചകളും ചോദ്യങ്ങളും അങ്ങേയറ്റം അരോചകമാണ്. നിലവിലെ അവസ്ഥയിൽ ഒഴിവാക്കേണ്ട ചർച്ചകളായിരുന്നു ഇവയെല്ലാം. എന്നാൽ, ഒരു പ്രസ്താവന വന്നതിന് ശേഷം സോഷ്യൽ മീഡിയയിൽ ഉയർന്ന ചോദ്യങ്ങൾക്ക് വ്യക്ത്യത വരേണ്ടത് ആവശ്യമാണെന്ന് തോന്നി. ചാണ്ടി ഉമ്മൻ യോഗ്യതയുള്ള ഒരു സ്ഥാനാർത്ഥിയാണ്. എന്നാൽ, ചാണ്ടിയുടെ യോഗ്യതയും സ്ഥാനാർഥി ആരാകണമെന്നതും അടക്കമുള്ള കാര്യങ്ങളിൽ അന്തിമ തീരുമാനമെടുക്കേണ്ടത് കോൺഗ്രസ് പാർട്ടിയാണെന്നും അച്ചു ഉമ്മൻ പറഞ്ഞു.

Also read: പുതുപ്പള്ളിയിൽ ഉമ്മൻ ചാണ്ടിയുടെ കുടുംബം പറയുന്നയാളെ സ്ഥാനാർഥിയാക്കുമെന്ന് കെ സുധാകരൻ

പൊതുപ്രവർത്തനരംഗത്തേക്ക് വരാൻ യാതൊരു ആഗ്രഹവുമില്ലെന്നും അച്ചു ഉമ്മൻ ആവർത്തിച്ചു. എവിടെ പോയാലും ഉമ്മൻ ചാണ്ടിയുടെ മകൾ എന്നതാണ് തന്റെ ഐഡന്റിറ്റി. അവസാനം വരെ ആ ലേബലിൽ ജീവിച്ച് മരിക്കാനാണ് ആഗ്രഹമെന്നും അച്ചു ഉമ്മൻ കൂട്ടിച്ചേർത്തു.
 
സ്ഥാ​നാ​ർ​ഥി ആ​രാ​ക​ണ​മെ​ന്ന​ത് പാ​ർ​ട്ടി​യാ​ണ് തീ​രു​മാ​നി​ക്കു​ന്ന​ത്. ചാ​ണ്ടി ഉ​മ്മ​ന്‍റെ സ്ഥാ​നാ​ർ​ഥി​ത്വം സം​ബ​ന്ധി​ച്ച ച​ർ​ച്ച​ക​ളി​ലേ​ക്ക് ഇ​പ്പോ​ൾ ക​ട​ക്കു​ന്നി​ല്ല. എ​ന്നാ​ൽ, വീ​ട്ടി​ൽ അ​പ്പ ക​ഴി​ഞ്ഞാ​ലു​ള്ള ഏ​ക രാ​ഷ്ട്രീ​യ​ക്കാ​ര​ൻ ചാ​ണ്ടി ഉ​മ്മ​നാ​ണെ​ന്ന് അ​ച്ചു ഉ​മ്മ​ൻ വ്യ​ക്ത​മാ​ക്കി.

 
അതേസമയം, പുതുപ്പള്ളി ഉപതിരഞ്ഞെടുപ്പില്‍ കോണ്‍ഗ്രസ്‌ സ്ഥാനാര്‍ഥി ഉമ്മന്‍ ചാണ്ടിയുടെ കുടുംബത്തിൽ നിന്ന് തന്നെയാകുമെന്ന് കെപിസിസി അധ്യക്ഷൻ കെ സുധാകരൻ നേരത്തെ പറഞ്ഞിരുന്നു. എന്നാൽ, പിന്നീട് നിലപാട് മാറ്റി. ഉമ്മൻചാണ്ടിയുടെ കുടുംബത്തിൽ നിന്നാണ് സ്ഥാനാർഥി എന്ന് പറഞ്ഞിട്ടില്ലെന്നായിരുന്നു തുടർന്നുള്ള പ്രസ്താവന. സ്ഥാനാർത്ഥിയെ തീരുമാനിക്കുമ്പോൾ ഉമ്മൻചാണ്ടിയുടെ കുടുംബവുമായി ആലോചിക്കും എന്നാണ് പറഞ്ഞത്. സ്ഥാനാർത്ഥി നിർണയവുമായി ബന്ധപ്പെട്ട ഒരു ചർച്ചകളും പാർട്ടിയിൽ നടന്നിട്ടില്ലെന്നും സുധാകരൻ വ്യക്തമാക്കിയിരുന്നു.
 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം