രണ്ടു കുകി സ്ത്രീകളെ പൊ​തു​വ​ഴി​യി​ലൂ​ടെ ന​ഗ്ന​രാ​യി ന​ട​ത്തി; മ​ണി​പ്പൂ​രി​ൽ വീ​ണ്ടും സം​ഘ​ർ​ഷം

ഇം​ഫാ​ൽ: മ​ണി​പ്പൂ​രി​ൽ ആ​ൾ​ക്കൂ​ട്ടം കു​ക്കി യു​വ​തി​ക​ളെ പൊ​തു​വ​ഴി​യി​ലൂ​ടെ ന​ഗ്ന​രാ​യി ന​ട​ത്തി​യ​തി​ന്‍റെ വീ​ഡി​യോ പ്ര​ച​രി​ച്ച​തി​നു പി​ന്നാ​ലെ സം​സ്ഥാ​ന​ത്ത് വീ​ണ്ടും സം​ഘ​ർ​ഷം. മെ​യ് നാ​ലി​നു ന​ട​ന്ന സം​ഭ​വ​ത്തി​ന്‍റെ ദൃ​ശ്യ​ങ്ങ​ളാ​ണ് ബു​ധ​നാ​ഴ്ച വ്യാ​പ​ക​മാ​യി പ്ര​ച​രി​ച്ച​ത്. കുകി വിഭാഗത്തിൽപ്പെട്ട ഇവരെ സമീപത്തെ വയലിൽ വെച്ച് കൂട്ട ബലാത്സംഗം ചെയതതായി കുകി ഗോത്ര സംഘടന ആരോപിച്ചു.

ഇ​തോ​ടെ മ​ണി​പ്പൂ​രി​ൽ സം​ഘ​ർ​ഷം വ​ർ​ധി​ച്ചി​രി​ക്കു​ക​യാ​ണ്. ഇ​ൻ​ഡി​ജി​ന​സ് ട്രൈ​ബ​ൽ ലീ​ഡേ​ഴ്‌​സ് ഫോ​റം (ഐ​ടി​എ​ൽ​എ​ഫ്) വ്യാ​ഴാ​ഴ്ച പ്ര​തി​ഷേ​ധ മാ​ർ​ച്ച് ന​ട​ത്താ​നി​രി​ക്കെ​യാ​ണ് വീ​ഡി​യോ പു​റ​ത്താ​യ​ത്. മേ​യ് മാ​സം നാ​ലി​ന് കാ​ങ്‌​പോ​ക്പി ജി​ല്ല​യി​ലാ​യി​രു​ന്നു മ​ന​സാ​ക്ഷി​യെ ഞെ​ട്ടി​ക്കു​ന്ന കു​റ്റ​കൃ​ത്യം അ​ര​ങ്ങേ​റി​യ​ത്. സ്ത്രീ​ക​ൾ ക​ര​ഞ്ഞ് നി​ല​വി​ളി​ച്ചി​ട്ടും ആ​ൾ​ക്കൂ​ട്ടം ഇ​വ​രെ മോ​ചി​പ്പി​ക്കാ​ൻ ത​യാ​റാ​യി​ല്ല. 

വീഡിയോ വൈറലായതോടെ സംഭവത്തെ വിമർശിച്ച് നിരവധി പേർ രംഗത്ത് വന്നു. കടുത്ത നടപടിയും ആവശ്യപ്പെട്ടു. സംഭവത്തിൽ നടപടിയാവശ്യപ്പെട്ട് ഐടിഎൽഎഫ് ദേശീയ വനിതാ കമ്മീഷനിലും പട്ടിക വർഗ കമ്മീഷനിലും പരാതി നൽകി. സംഭവത്തിൽ കേസെടുത്തതിനെ കുറിച്ചോ മറ്റോ മണിപ്പൂർ പൊലീസ് ഇതുവരെയൊന്നും പറഞ്ഞിട്ടില്ല.

Read more: ജനനായകന് വിടനൽകാൻ ജനപ്രവാഹം; വിലാപയാത്ര കൊട്ടാരക്കരയിലേക്ക്; തിരുവനന്തപുരം കടന്നത് 7 മണിക്കൂറെടുത്ത്

 
ബിജെപി ഭരിക്കുന്ന മണിപ്പൂരിൽ മെയ് 4 മുതൽ ഇന്റർനെറ്റ് വിച്ഛേദിക്കപ്പെട്ടിരിക്കുകയാണ്. സംഘർഷം ആരംഭിച്ചിട്ട് രണ്ട് മാസത്തിലേറെയായി. മെയ്‌തെയ്-കുക്കി വിഭാഗങ്ങൾ തമ്മിലുള്ള സംഘർഷത്തിൽ 130ലധികം പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. സംഘർഷം അവസാനിപ്പിക്കാൻ സംസ്ഥാന – കേന്ദ്ര സർക്കാരുകൾക്ക് ഇതുവരെ സാധിച്ചിട്ടില്ല.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം