അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഐ.പി.എലിലെ തന്‍റെ ഇഷ്ടതാരത്തെ വെളിപ്പെടുത്തി കൊൽക്കത്ത നൈറ്റ് റൈഡേഴ്സ് താരം റിങ്കു സിംഗ്. ആരാധകര്‍ കാത്തിരുന്നത് പോലെ അത് ധോണിയോ കോഹ്ലി അല്ല. ചെന്നൈ മുൻ താരം സുരേഷ് റെയ്നയാണ് ക്രിക്കറ്റിലെ താരത്തിന്‍റെ ആരാധനാപാത്രം. ഐ.പി.എൽ കിങ്ങെന്നാണ് റെയ്നയെ വിശേഷിപ്പിക്കുന്നത്. പതിവായി വിളിക്കാറുണ്ടെന്നും റിങ്കു പറയുന്നു. ഇരുവരും ഉത്തർപ്രദേശ് സ്വദേശികളാണ്.
“സുരേഷ് റെയ്ന എന്റെ ആരാധനാപാത്രമാണ്. ഞാൻ അദ്ദേഹത്തെ പതിവായി ബന്ധപ്പെടാറുണ്ട്. റെയ്ന ഐ.പി.എൽ കിങ്ങാണ്, എനിക്ക് മാർഗനിർദേശങ്ങൾ നൽകാറുണ്ട്. എന്റെ കരിയറിൽ ഒരുപാട് സഹായിച്ചിട്ടുണ്ട്. ഭജ്ജുവും (ഹർഭജൻ സിങ്) കരിയറിൽ എന്നെ വളരെയധികം സഹായിച്ചു. അവരുടെ പിന്തുണക്ക് ഞാൻ നന്ദിയുള്ളവനാണ്. അത്തരം വലിയ കളിക്കാരുടെ പിന്തുണ, കൂടുതൽ ഊർജസ്വലതയോടെ മുന്നോട്ടുകുതിക്കാൻ നമുക്ക് പ്രചോദനമാകും” -റിങ്കു വ്യക്തമാക്കി.
കഴിഞ്ഞ ഐ.പി.എൽ സീസണില്‍ കൊൽക്കത്ത നൈറ്റ് റൈഡേഴ്സിനായി പുറത്തെടുത്ത വെടിക്കെട്ട് ബാറ്റിങ്ങാണ് റിങ്കു സിങ്ങിനെ ക്രിക്കറ്റ് പ്രേമികളുടെ ഇഷ്ടതാരമാക്കിയത്. കാത്തിരിപ്പിനൊടുവിൽ റിങ്കുവിനു ഇന്ത്യൻ ടീമിലേക്കും വിളിയെത്തി.
സെപ്റ്റംബർ 23 മുതൽ 28 വരെ ചൈനയിലെ ഹാൻഷുവിൽ നടക്കുന്ന ഏഷ്യൻ ഗെയിംസിനുള്ള ക്രിക്കറ്റ് ടീമിലാണ് താരം ഇടംപിടിച്ചത്. ഋതുരാജ് ഗെയ്ക് വാദാണ് ടീമിന്‍റെ നായകൻ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
