അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആറ്റിങ്ങൽ: തലസ്ഥാനത്ത് നിന്ന് എം.ഡി.എം.എയുമായി രണ്ടുപേരെ ആറ്റിങ്ങൽ പോലീസ് പിടികൂടി. ആറ്റിങ്ങൽ കോരാണി കുറക്കട പുകയിലത്തോപ്പ് ബ്ലോക്ക്‌ നമ്പർ 60 ൽ അപ്പുക്കുട്ടൻ (32), മാമം കിഴുവിലം പുതുവൽവിള പുത്തൻവീട്ടിൽ സനീത്(28) എന്നിവരാണ് അറസ്റ്റിലായിരിക്കുന്നത്.
53.5 ഗ്രാം എം.ഡി.എം.എയും ഇലക്ട്രിക് ത്രാസും പിടിച്ചെടുത്തു. ആറ്റിങ്ങലിലെ വിദ്യാഭ്യാസ സ്ഥാപനങ്ങൾ കേന്ദ്രീകരിച്ച് ലഹരി വിൽപന നടത്തുന്ന സംഘമാണ് പ്രതികൾ. തിരുവനന്തപുരം റൂറൽ ഡാൻസാഫ് ടീമും ആറ്റിങ്ങൽ പോലീസും സംയുക്തമായി നടത്തിയ പരിശോധനയിൽ ആറ്റിങ്ങൽ മാമം പാലത്തിനു അടുത്തുള്ള ടർഫിനു സമീപത്തു നിന്നാണ് ഇവരെ കസ്റ്റഡിയിലെടുത്തത്.
ആറ്റിങ്ങൽ ഐ.എസ്.എച്ച്.ഒ തൻസീം അബ്ദുൽ സമദിന്റെ നേതൃത്വത്തിൽ എസ്.ഐ അഭിലാഷ്, അഡിഷണൽ എസ്.ഐ നുജൂം, പോലീസുകാരായ അനിൽകുമാർ, ദിനു പ്രകാശ്, മഹി, റൂറൽ ഡാൻസാഫ് ടീമിലെ എസ്.ഐ ബിജു ഹക്ക്, എ.എസ്.ഐ ബിജുകുമാർ, പോലീസുകാരായ വിനീഷ്, സുനിൽരാജ് എന്നിവരാണ് സംഘത്തിലുണ്ടായിരുന്നത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
