അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യുക്രൈന്‍റെ നാറ്റോ അംഗത്വം സംബന്ധിച്ച് നാറ്റോ ഉച്ചകോടിയില്‍ ഉയര്‍ന്ന നിലപാടുകളില്‍ അതൃപ്തി പ്രകടിപ്പിച്ച് പ്രസിഡന്റ് വ്ളാഡിമിര്‍ സെലന്‍സ്കി. നാറ്റോയിലെ സഖ്യരാഷ്ട്രങ്ങളുടെ അനുമതിയും ഒപ്പം നാറ്റോയും യുക്രൈനും മുന്നോട്ടു വെയ്ക്കുന്ന വ്യവസ്ഥകളില്‍ സമവായ തീരുമാനമുണ്ടാവുകയും ചെയ്യുമ്പോള്‍ യുക്രൈന്‍റെ അംഗത്വം അംഗീകരിക്കാമെന്ന നിലപാടിലാണ് നാറ്റോ. യുക്രൈന്‍റെ അംഗത്വം സംബന്ധിച്ച് അതിവേഗം തീരുമാനമെടുക്കേണ്ടതിന്‍റെ ആവശ്യകത തിരിച്ചറിഞ്ഞിട്ടുണ്ടെന്നും അതിനാല്‍ തന്നെ ഒരു സമയമപരിധി നിശ്ചയിച്ച് മുന്നോട്ടു പോകേണ്ടതില്ലെന്നും നാറ്റോ ഔദ്യോഗിക പ്രസ്താവനയില്‍ വ്യക്തമാക്കി. നയതന്ത്രജ്ഞർ അംഗത്വത്തിലേക്കുള്ള ഒരു വ്യക്തമായ പാത തയ്യാറാക്കിയിട്ടുണ്ടെന്നും കഠിനമായ അപേക്ഷാ പ്രക്രിയ ഗണ്യമായി ചുരുക്കിയിട്ടുണ്ടെന്നും നാറ്റോ പറഞ്ഞു. അതേസമയം യുക്രൈന്‍റെ പെട്ടെന്നുള്ള നാറ്റോ പ്രവേശനം അധിനിവേശം തുടരുന്ന റഷ്യയെ കൂടുതല്‍ പ്രകോപിപ്പിക്കുമെന്ന ആശങ്കയും നാറ്റോ സഖ്യരാഷ്ട്രങ്ങള്‍ക്കുണ്ട്. ഒപ്പം പുതിയതായി രൂപീകരിച്ച നാറ്റോ-ഉക്രെയ്ൻ കൗൺസില്‍ ഇന്ന് ആദ്യയോഗം ചേരും. ഇതോടെ മുഴുവൻ സഖ്യത്തിന്‍റെയും മീറ്റിംഗുകൾ വിളിക്കാനുള്ള അവകാശം ഇതോടെ കൈവിന് ലഭിക്കും.
ലിത്വാനിയയില്‍ തുടരുന്ന ഉച്ചകോടിയില്‍ ഉക്രെയ്നിനായുള്ള സൈനിക പാക്കേജുകളുടെ പരമ്പരയാണ് പ്രഖ്യാപിച്ചത്.
ഓഗസ്റ്റിൽ റൊമാനിയയിൽ സ്ഥാപിക്കുന്ന കേന്ദ്രത്തിൽ യുഎസ് നിർമ്മിത എഫ്-16 യുദ്ധവിമാനങ്ങൾ പറത്താൻ ഉക്രേനിയൻ പൈലറ്റുമാർക്ക് 11 രാജ്യങ്ങളുടെ സഖ്യം പരിശീലനം നൽകും. അഡ്വാന്‍സ്ഡ് എഫ്-16 ഉൾപ്പെടെയുള്ള നൂതന ജെറ്റുകൾ ഉക്രെയ്‌നിന് നൽകാൻ പാശ്ചാത്യ സഖ്യകക്ഷികൾക്ക് മെയ് മാസത്തിൽ യുഎസ് അനുമതി നൽകി. അതേസമയം, യുക്രെയ്നിന് വിവാദമായ ക്ലസ്റ്റർ യുദ്ധോപകരണങ്ങൾ യുഎസ് നൽകിയാൽ മോസ്കോ സമാനമായ ആയുധങ്ങൾ ഉപയോഗിക്കാൻ നിർബന്ധിതരാകുമെന്ന് റഷ്യൻ പ്രതിരോധ മന്ത്രി സെർജി ഷോയ്ഗു പ്രസ്താവന നടത്തിയിരുന്നു.
അതേസമയം കഴിഞ്ഞ ഫെബ്രുവരിയിൽ റഷ്യ അധിനിവേശം തുടങ്ങിയതിന് ശേഷം 17 മാസത്തെ യുദ്ധത്തിൽ റഷ്യയും ഉക്രെയ്നും ഇതിനകം തന്നെ ക്ലസ്റ്റർ യുദ്ധോപകരണങ്ങൾ ഉപയോഗിച്ചിട്ടുണ്ടെന്ന് മനുഷ്യാവകാശ സംഘടനകൾ പറയുന്നു.
ഉച്ചകോടി നടക്കുന്ന ലിത്വാനിയയിലാണ് സെലന്‍സ്കി ഇപ്പോള്‍. നേരത്തെ ഉക്രെയ്നെ നാറ്റോയിലേക്ക് ക്ഷണിക്കുന്നതിനോ അംഗമാക്കുന്നതിനോ നാറ്റോ തയ്യാറെടുത്തിട്ടില്ല എന്ന് തോന്നുന്നുവെന്ന് സെലന്‍സ്കി ലിത്വാനിയയില്‍ പ്രസ്താവന നടത്തിയിരുന്നു. റഷ്യയുമായി യുദ്ധത്തിലായിരിക്കുമ്പോൾ നാറ്റോയിൽ ചേരാൻ കഴിയില്ലെന്ന് കൈവ് അംഗീകരിക്കുന്നു, എന്നാൽ പോരാട്ടം അവസാനിച്ചതിന് ശേഷം എത്രയും വേഗം നാറ്റോ അംഗമായിതീരാന്‍ ആഗ്രഹിക്കുന്നുവെന്ന് സെലന്‍സ്കി പറഞ്ഞു. ഇക്കാര്യത്തില്‍ തീരുമാനം വൈകുന്നത് നാറ്റോയുടെ ബലഹീനതയാണെന്നും അംഗത്വ തീരുമാനം വൈകുന്നത് വിലപേശല്‍ തന്ത്രമായി മാറുന്നുവെന്നും സെലന്‍സ്കി വിമര്‍ശനം ഉന്നയിച്ചു. നാറ്റോയുടെ മുന്നേറ്റങ്ങള്‍ക്ക് യുക്രൈന്‍റെ അംഗത്വം ശക്തി കൂട്ടുമെന്ന് സെലന്‍സ്കി നേരത്തെ വില്‍നിയസില്‍ ജനങ്ങളെ അഭിസംബോധന ചെയ്ത് പറഞ്ഞു. റഷ്യയുടെ അധിനിവേശത്തില്‍ തരിപ്പണമായ ബക്മതില്‍ നിന്നുള്ള ഒരു യുദ്ധ പതാകയും സെലന്‍സ്കി വേദിയില്‍ പ്രദര്‍ശിപ്പിച്ചു.
Also read : ഉത്തരാഖണ്ഡിലെ മണ്ണിടിച്ചിലിൽ 4 തീർഥാടകർ മരിച്ചു; ആകെ മരണം 41
സ്വീഡൻ നാറ്റോ സൈനിക സഖ്യത്തിൽ ചേരുന്നതിലുള്ള എതിർപ്പ് തുർക്കി പിൻവലിച്ചതിന് തൊട്ടുപിന്നാലെയാണ് വിൽനിയസ് ഉച്ചകോടി നടക്കുന്നത്. കുർദിഷ് തീവ്രവാദികൾക്ക് ആതിഥേയത്വം വഹിക്കുന്നുവെന്ന് ആരോപിച്ച് തുർക്കി നേരത്തെ സ്വീഡന്‍റെ അപേക്ഷ മാസങ്ങളോളം തടഞ്ഞിരുന്നു. ഫിന്‍ലാന്‍റിന് പിന്നാലെ നാറ്റോയില്‍ ചേരുന്ന 32മത്തെ രാജ്യമായി സ്വീഡന്‍ മാറി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
