അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: വള്ളം മറിഞ്ഞ് കാണാതായ ഒരാളുടെ മൃതദേഹം കണ്ടുകിട്ടി. സുരേഷ് ഫെർണാണ്ടസിന്‍റെ മൃതദേഹമാണ് കണ്ടെത്തിയത്. മുതലപ്പൊഴിയിലെ പുലിമുട്ടിനിടയിൽ നിന്നാണ് മൃതദേഹം ലഭിച്ചത്. മത്സ്യത്തൊഴിലാളികളും പൊലീസും ചേർന്നാണ് പുലിമുട്ടിനിടയിൽ നിന്ന് മൃതദേഹം കരക്കെത്തിച്ചത്.
ഇന്നലെ പുലർച്ചെയാണ് പുതുക്കുറിച്ചി സ്വദേശി ആൻറണി ലോപ്പസിന്‍റെ ഉടമസ്ഥതയിലുള്ള ‘പരലോകമാതാ’ എന്ന മത്സ്യബന്ധന വള്ളം അപകടത്തിൽപെടുന്നത്. അപകടത്തിൽ പുതുക്കുറിച്ചി സ്വദേശി കുഞ്ഞുമോൻ (40) മരിച്ചു. വള്ളം മറിഞ്ഞ് കാണാതായ പുതുക്കുറിച്ചി സ്വദേശികളായ മാന്‍റസ്, ബിജു എന്നിവരെ കണ്ടെത്താനുണ്ട്.
കാണാതായവർക്കായി മത്സ്യത്തൊഴിലാളികളുടെ നേതൃത്വത്തിൽ തിരച്ചിൽ നടത്തിയിരുന്നു. കൂടാതെ, കോസ്റ്റൽ പൊലീസും കോസ്റ്റൽ എൻഫോഴ്സ്മെന്‍റും നേവിയുടെ സ്കൂബ സംഘവും നടത്തുന്ന തിരച്ചിൽ പുരോഗമിക്കുകയാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
