ഉത്തരാഖണ്ഡിൽ ഉരുൾപൊട്ടൽ; വാഹനങ്ങൾ തകർന്നുവീണ് നാലുപേർക്ക് ദാരുണാന്ത്യം

ന്യൂഡൽഹി: ഉത്തരാഖണ്ഡിലെ ഉത്തരകാശിയിൽ കനത്ത മഴയ്‌ക്കിടെ പാറക്കല്ലുകൾ ഇടിഞ്ഞുവീണ് മൂന്ന് വാഹനങ്ങൾ തകർന്ന് നാല് പേർ മരിക്കുകയും ഏഴ് പേർക്ക് പരിക്കേൽക്കുകയും ചെയ്തു.
ഉത്തരാഖണ്ഡിലെ ഗംഗോത്രിയിൽ തീർഥാടനം കഴിഞ്ഞ് മധ്യപ്രദേശിലേക്ക് മടങ്ങുകയായിരുന്നു  തീർഥാടകർ. ഇന്നലെ വൈകിട്ടോടെയായിരുന്നു അപകടം. മുപ്പതോളം യാത്രക്കാരുമായി മൂന്ന് വാഹനങ്ങൾ കുന്നിനോട് ചേർന്നുള്ള റോഡിലൂടെ നീങ്ങുമ്പോൾ പാറക്കല്ലുകൾ ഇടിഞ്ഞ് വാഹനങ്ങൾക്ക് മുകളിൽ പതിക്കുകയായിരുന്നു.

മരിച്ചവരിൽ ഒരു സ്ത്രീയും പരിക്കേറ്റവരിൽ ഒരാളുടെ നില ഗുരുതരമാണെന്നുമാണ് റിപ്പോർട്ടുകൾ. കൊല്ലപ്പെട്ടവരെല്ലാം മധ്യപ്രദേശിലെ ഇൻഡോറിൽ നിന്നുള്ളവരാണെന്നാണ് വിവരം. വാഹനങ്ങളുടെ തകർന്ന അവശിഷ്ടങ്ങൾ അപകടത്തിന്റെ വ്യാപ്തി വിവരിക്കുന്നു. ഒരു ചെറിയ ബസിന്റെ ഒരുവശം പൂർണമായും തകർന്നു. മറ്റ് രണ്ട് ചെറിയ വാഹനങ്ങൾക്കും സാരമായ കേടുപാടുകൾ സംഭവിച്ചു.

മൺസൂൺ ക്രോധം രൂക്ഷമായ ഉത്തരേന്ത്യൻ സംസ്ഥാനങ്ങളുടെ പട്ടികയിൽ ഏറ്റവും പുതിയതായി ഉത്തരാഖണ്ഡ് ചേർന്നു. കനത്ത മഴയിൽ മലയോര സംസ്ഥാനങ്ങളിൽ പലയിടത്തും ഉരുൾപൊട്ടലും പാലങ്ങൾ ഒലിച്ചുപോയി. കാലാവസ്ഥ മെച്ചപ്പെടുന്നതുവരെ സംസ്ഥാന തലസ്ഥാനമായ ഡെറാഡൂണിലെ സ്‌കൂളുകൾ അടച്ചിടാൻ ആവശ്യപ്പെട്ടിട്ടുണ്ട്.

അയൽ സംസ്ഥാനമായ ഹിമാചൽ പ്രദേശിൽ മഴക്കെടുതിയിൽ 30 പേർ മരിച്ചു. പാലങ്ങൾ ഒലിച്ചുപോകുന്നതിന്റെയും വാഹനങ്ങൾ ഒഴുകിപ്പോയതിന്റെയും ദൃശ്യങ്ങൾ സംസ്ഥാനത്തെ മഴക്കെടുതിയുടെ വ്യാപ്തി പകർത്തി.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads– ൽ Join ചെയ്യാം