അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഹരാരെ: യോഗ്യതാ റൗണ്ടിലെ സൂപ്പര്‍ സിക്‌സ് പോരാട്ടത്തില്‍ സിംബാബ്‌വെയെ തകർത്ത് 2023 ലോകകപ്പിന് യോഗ്യത നേടി ശ്രീലങ്ക. ഒന്‍പത് വിക്കറ്റിനാണ് ശ്രീലങ്കയുടെ വിജയം. യോഗ്യതാ റൗണ്ടില്‍ ഒരു മത്സരം പോലും തോല്‍ക്കാതെയാണ് ശ്രീലങ്ക വിജയക്കുതിപ്പ് നടത്തിയത്. അതേസമയം, തോറ്റെങ്കിലും സിംബാബ്‌വെയുടെ പ്രതീക്ഷ അവസാനിച്ചിട്ടില്ല.
സിംബാബ്‌വെ ഉയര്‍ത്തിയ 166 റണ്‍സ് വിജയലക്ഷ്യം 33.1 ഓവറില്‍ ഒരു വിക്കറ്റ് മാത്രം നഷ്ടപ്പെടുത്തി ശ്രീലങ്ക മറികടന്നു. സെഞ്ചുറി നേടിയ ഓപ്പണര്‍ പത്തും നിസ്സങ്കയും നാലുവിക്കറ്റെടുത്ത ബൗളര്‍ മഹീഷ് തീക്ഷണയുമാണ് ശ്രീലങ്കയ്ക്ക് വിജയം സമ്മാനിച്ചത്.
ഇതോടെ ലോകകപ്പ് ഫൈനല്‍ റൗണ്ടില്‍ കളിക്കുന്ന ഒന്‍പതാം ടീമിന്റെ ചിത്രമായി. ഇനിയൊരു സ്ഥാനം മാത്രമാണ് ബാക്കിയുള്ളത്. ഇതിനായി സിംബാബ്‌വെയും സ്‌കോട്‌ലന്‍ഡും പോരാടും. വെസ്റ്റ് ഇന്‍ഡീസ് നേരത്തേ യോഗ്യത നേടാതെ പുറത്തായിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
