ആകാശമിഠായി: കളമശ്ശേരി മണ്ഡലത്തിന് പുറത്ത് പഠിക്കുന്ന കുട്ടികൾക്കും അവസരം

കളമശ്ശേരി നിയമസഭാ മണ്ഡലത്തിലെ വിദ്യാർത്ഥികളുടെ പഠനമികവിന് ഏർപ്പെടുത്തിയ പുരസ്കാരം ‘വിദ്യാർത്ഥികൾക്കൊപ്പം കളമശ്ശേരി’ – ആകാശ മിഠായി സീസൺ 3 പുരസ്കാരങ്ങൾക്കുള്ള രജിസ്ട്രേഷൻ ആരംഭിച്ചിരിക്കുകയാണ്. ജൂലൈ 8ന് ഏലൂർ ടൗൺ ഹാളിൽ വച്ചാണ് പുരസ്കാര വിതരണം.

എസ്.എസ്.എൽ.സി, പ്ലസ് ടു പരീക്ഷകളിൽ എ പ്ലസ് നേടിയവർ, വിവിധ പരീക്ഷകളിൽ ഉന്നതവിജയം കരസ്ഥമാക്കിയവർ, ഡോക്ടറേറ്റ് ലഭിച്ചവർ എന്നിവരേയും നൂറ് ശതമാനം വിജയം നേടിയ സ്കൂളുകളേയുമാണ് ആദരിക്കുന്നത്. തുടർ പഠനത്തിലും മികവ് പുലർത്താൻ ഏവർക്കും പ്രചോദനമേകാനാണ് ഇത്തരമൊരു പുരസ്കാരം ഏർപ്പെടുത്തിയിരിക്കുന്നത്.

Also read : കണ്ണൂരിൽ പനി ബാധിച്ച് മൂന്നു വയസ്സുകാരി മരിച്ചു

ആയിരത്തിലധികം പേർക്ക് നിയമസഭാ മണ്ഡലത്തിലൊട്ടാകെ കഴിഞ്ഞ വർഷം ആകാശ മിഠായി പുരസ്കാരം നൽകിയിരുന്നു. നിയമസഭാമണ്ഡലത്തിൽ ഉൾപ്പെടുന്ന സ്കൂളുകളിൽ നിന്ന് പുരസ്കാരത്തിന് അർഹരായ വിദ്യാർത്ഥികളുടെ വിവരം നേരിട്ട് സ്കൂളുകളിൽ നിന്ന് ശേഖരിച്ചിട്ടുണ്ട്. ഈ വിഭാഗത്തിലുള്ളവർ പ്രത്യേകം രജിസ്റ്റർ ചെയ്യേണ്ടതില്ല.

മണ്ഡലത്തിൽ താമസിക്കുകയും മണ്ഡലത്തിന് പുറത്തുള്ള വിദ്യാഭ്യാസസ്ഥാപനങ്ങളിൽ പഠിക്കുകയും ചെയ്യുന്ന വിദ്യാർത്ഥികൾക്കും പുരസ്കാരത്തിന് അർഹതയുണ്ട്. ഈ വിഭാഗത്തിൽ ഉൾപ്പെടുന്നവർക്ക് ഇതോടൊപ്പമുള്ള ഗൂഗിൾ ഫോം പൂരിപ്പിച്ച് നൽകിയോ, കളമശ്ശേരി എം.എൽ.എ ഓഫീസിലേക്ക് രജിസ്ട്രേഷൻ ഫോം നേരിട്ട് എത്തിച്ച് നൽകിയോ രജിസ്റ്റർ ചെയ്യാം. മാർക്ക് ലിസ്റ്റിന്റെ കോപ്പി, ഫോട്ടോ, മേൽ വിലാസം തെളിയിക്കുന്ന രേഖ എന്നിവ ഇതോടൊപ്പം നൽകണം. 
ജൂലൈ 3ന് വൈകുന്നേരം 5 മണി വരെയാണ് രജിസ്ട്രേഷൻ ഉണ്ടാവുക.

ഗൂഗിൾ ഫോം ലിങ്ക് – https://forms.gle/1LQdrDMthTsyQa2y6

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം