‘എ​ന്നെ ശി​ക്ഷി​ക്കാ​നു​ള്ള തെ​ളി​വൊ​ന്നു​മി​ല്ല’: അറസ്റ്റില്‍ പ്രതികരിച്ച് കെ. സു​ധാ​ക​ര​ൻ

കൊ​ച്ചി: മോ​ന്‍​സ​ന്‍ മാ​വു​ങ്ക​ല്‍ ഉ​ള്‍​പ്പെ​ട്ട പു​രാ​വ​സ്തു ത​ട്ടി​പ്പ് കേ​സി​ല്‍ ത​ന്നെ ശി​ക്ഷി​ക്കാ​ൻ മാ​ത്ര​മു​ള്ള തെ​ളി​വു​ക​ളൊ​ന്നും ക്രൈം​ബ്രാ​ഞ്ചി​ന്‍റെ പ​ക്ക​ലി​ല്ലെ​ന്ന് വ്യ​ക്ത​മാ​യെ​ന്ന് കെ​പി​സി​സി പ്ര​സി​ഡ​ന്‍റ് കെ. ​സു​ധാ​ക​ര​ൻ. ഏ​ത് പ്ര​ശ്ന​ങ്ങ​ളെ​യും നേ​രി​ടാ​ൻ ത​യാ​റാ​ണെ​ന്നും ഒ​രി​ട​ത്തും പോ​യി ഒ​ളി​ക്കി​ല്ലെ​ന്നും സു​ധാ​ക​ര​ൻ വ്യ​ക്ത​മാ​ക്കി. വ്യാജ പുരാവസ്തു തട്ടിപ്പുകേസിൽ ക്രൈംബ്രാഞ്ച് അറസ്റ്റ് ചെയ്ത് ജാമ്യത്തിൽവിട്ട ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. 

കേ​സി​നെ​പ്പ​റ്റി​യു​ള്ള കൂ​ടു​ത​ൽ കാ​ര്യ​ങ്ങ​ൾ ഇ​പ്പോ​ൾ പ​റ​യു​ന്നി​ല്ല. കേ​സ് കോ​ട​തി​യി​ൽ വ​ര​ട്ടെ. പോ​ലീ​സി​ന് കൊ​ടു​ത്ത മൊ​ഴി പ​ര​സ്യ​മാ​ക്കില്ലെന്നും അദ്ദേഹം പറഞ്ഞു.

Read more: പുരാവസ്തു തട്ടിപ്പ്; കെ സുധാകരന്‍ അറസ്റ്റില്‍

മോ​ൻ​സ​ൻ മാ​വു​ങ്ക​ലി​നെ താ​ൻ നേ​ര​ത്തെ ത​ന്നെ ത​ള്ളി​പ്പ​റ​ഞ്ഞി​ട്ടു​ണ്ട്. അ​യാ​ളു​ടെ സാം​സ്കാ​രി​ക നി​ല​വാ​രം വ​ള​രെ മോ​ശ​മാ​ണെ​ന്ന് തെ​ളി​ഞ്ഞ​താ​ണ്. ജീ​വി​താ​വ​സാ​നം വ​രെ അ​യാ​ൾ​ക്ക് ത​ട​വു​കി​ട്ടി​യ​താ​ണ്. അ​തി​നാ​ൽ കൂ​ടു​ത​ൽ പ​റ​യു​ന്നി​ല്ലെ​ന്നും സു​ധാ​ക​ര​ൻ കൂ​ട്ടി​ച്ചേ​ർ​ത്തു.

എ​ട്ട് മ​ണി​ക്കൂ​ർ നീ​ണ്ടു​നി​ന്ന ചോ​ദ്യം​ചെ​യ്യ​ലി​നൊ​ടു​വി​ലാ​ണ് ക്രൈം​ബ്രാ​ഞ്ച് സം​ഘം സു​ധാ​ക​ര​നെ അ​റ​സ്റ്റ് ചെ​യ്ത​ത്. കേ​സി​ൽ ഹൈ​ക്കോ​ട​തി മു​ൻ​കൂ​ർ ജാ​മ്യം ന​ൽ​കി​യി​ട്ടു​ള്ള​തി​നാ​ൽ 50,000 രൂ​പ ബോ​ണ്ടി​ലും ര​ണ്ട് ആ​ള്‍ ജാ​മ്യ​ത്തി​ലും സു​ധാ​ക​ര​നെ വി​ട്ട​യ​യ്ക്കു​ക​യാ​യി​രു​ന്നു.

അതേസമയം, കെ. സുധാകരന്റെ അറസ്റ്റിൽ പ്രതിഷേധിച്ച് വ്യാപക പ്രതിഷേധത്തിനൊരുങ്ങി കോൺ‍​ഗ്രസ്. സെക്രട്ടറിയേറ്റിലേക്ക് ഉടൻ മാർച്ച് നടത്തുമെന്ന് കോൺ​ഗ്രസ് നേതാക്കൾ അറിയിച്ചു. ഇന്നും നാളെയും കേരളത്തിലുടനീളം കോണ്‍ഗ്രസ് പ്രതിഷേധം സംഘടിപ്പിക്കും. അറസ്റ്റിനെതിരെ കരിദിനമാചരിക്കുമെന്നും കോൺഗ്രസ് നേതാക്കൾ അറിയിച്ചു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം