അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: പ്രായപൂർത്തിയാകാത്ത ആൺകുട്ടിക്ക് നേരെ ലൈംഗികാതിക്രമം നടത്തിയ സംഭവത്തിൽ ക്വട്ടേഷൻ തലവനായ പന്നിയങ്കര സ്വദേശി നൈനൂക്കിനെ പോലീസ് അറസ്റ്റ് ചെയ്തു. പൊലീസിനെ ആക്രമിച്ച ഇയാളുടെ കുട്ടാളികളെയും പോലീസ് പിടികൂടി.
ബീച്ചിൽ സുഹൃത്തുക്കൾക്കൊപ്പം എത്തിയ 16കാരന് നേരെയാണ് നൈനൂക്ക് ലൈംഗികാതിക്രമം നടത്തിയിരിക്കുന്നത്. കുട്ടിയുടെ കയ്യിൽ കയറിപ്പിടിക്കുകയും മോശമായി പെരുമാറുകയുമായിരുന്നു. തടയാൻ ശ്രമിച്ച സുഹൃത്തുക്കളെയും ഇയാൾ ഉപദ്രവിച്ചു. കുട്ടികൾ പന്നിയങ്കരയിലെത്തി ടൗൺ പൊലീസിന് പരാതി നൽകി. ഇതിനെ തുടർന്ന് പോലീസ് നൈനൂക്കിന്‍റെ വീട്ടിലെത്തി. വാതിൽ തുറക്കാതെ ഗ്യാസ് സിലിണ്ടർ തുറന്ന് വിടുകയായിരുന്നു പ്രതി ചെയ്തത്. പിന്നീട് സാഹസികമായി പ്രതിയെ പൊലീസ് കീഴ്പ്പെടുത്തി. അതിനിടെ സ്ഥലത്തെത്തിയ പ്രതിയുടെ സുഹൃത്തുക്കൾ പൊലീസിനെ ആക്രമിച്ചു. വാഹനം അടിച്ച് തകർക്കുകയും ചെയ്തു. ഇവരെയും പൊലീസ് പിടികൂടി. നിഷാദ്, സാജർ , ജാസിം എന്നിവരാണ് അറസ്റ്റിലായത്. പ്രതികളെ റിമാൻഡ് ചെയ്തു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
