അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മുംബൈ: ചെന്നൈ സൂപ്പര്‍ കിങ്‌സ് പേസര്‍ തുഷാര്‍ ദേശ്പാണ്ഡെ വിവാഹിതനാകുന്നു. കൂട്ടുകാരി നാഭ ഗദ്ദംവറാണ് വധു. ഇരുവരുടേയും വിവാഹ നിശ്ചയം മുംബൈയില്‍ വെച്ച് നടന്നു. വിവാഹ നിശ്ചയത്തിന്റെ ചിത്രങ്ങള്‍ താരം സമൂഹമാധ്യമങ്ങളില്‍ പങ്കുവെച്ചു.
‘സ്‌കൂള്‍ ക്രഷില്‍ നിന്ന് പ്രതിശ്രുത വധുവിലേക്ക് അവള്‍ക്ക് സ്ഥാനക്കയറ്റം ലഭിച്ചു’- നാഭയുമൊത്തുള്ള ചിത്രങ്ങള്‍ പങ്കുവെച്ചുകൊണ്ട് ദേശ്പാണ്ഡെ കുറിച്ചു.
ചെന്നൈ സൂപ്പര്‍ കിങ്‌സിലെ സഹതാരം ശിവം ദുബൈയും ചടങ്ങില്‍ പങ്കെടുത്തു. ഇരുവരുമൊത്തുള്ള ചിത്രങ്ങള്‍ ഇന്‍സ്റ്റഗ്രാം സ്റ്റോറിയിലൂടെ പങ്കുവെച്ച താരം ആശംസകള്‍ നേര്‍ന്നു.
Read more: മോൻസൻ മാവുങ്കൽ കേസ്; കെ.സുധാകരനെതിരായ പരാതി ഇ ഡി അന്വേഷിക്കും
2023 ഐപിഎല്ലില്‍ ചെന്നൈയെ ചാമ്പ്യന്മാരാക്കുന്നതില്‍ നിര്‍ണായകപങ്കുവഹിച്ച താരമാണ് ദേശ്പാണ്ഡെ. 2023 ഐപിഎല്ലിലെ പര്‍പ്പിള്‍ ക്യാപ്പ് പട്ടികയില്‍ ആറാം സ്ഥാനത്തുള്ള ദേശ്പാണ്ഡെ ചെന്നൈയ്ക്കായി ലീഗില്‍ ഏറ്റവും കൂടുതല്‍ വിക്കറ്റ് വീഴ്ത്തിയ താരം കൂടിയാണ്. 16-മത്സരങ്ങളില്‍ നിന്നായി 21 വിക്കറ്റുകളാണ് ചെന്നൈ പേസര്‍ വീഴ്ത്തിയത്.
ചെന്നൈ സൂപ്പർ കിങ്സിനു പുറമേ ഐപിഎല്ലിൽ ഡൽഹി ക്യാപിറ്റൽസിനു വേണ്ടിയും കളിച്ചിട്ടുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
