7 വിക്കറ്റ് ബാക്കി, വേണ്ടത് 97 ഓവറിൽ 280 റൺസ്; ടെസ്റ്റ് ചാമ്പ്യൻഷിപ്പ് ഫൈനലിൽ പൊരുതി ഇന്ത്യ

ആസ്‌ത്രേലിയക്കെതിരെയുള്ള ലോക ടെസ്റ്റ് ചാമ്പ്യൻഷിപ്പ് ഫൈനലിൽ പൊരുതി ഇന്ത്യ. മത്സരത്തിൽ വിജയിക്കാൻ രണ്ടാം ഇന്നിംഗ്‌സിൽ ആകെ 444 റൺസാണ് ടീമിന് നേടേണ്ടിയിരുന്നത്. നാലാം ദിനമായ ഇന്ന് മൂന്നു വിക്കറ്റ് നഷ്ടത്തിൽ 164 റൺസ് നേടിയിരിക്കുകയാണ്. ഇനി 97 ഓവറിൽ 280 റൺസാണ് നേടേണ്ടത്. സ്കോ​ർ: ഓ​സ്ട്രേ​ലി​യ 469, 270/8 ഡി​ക്ല​യേ​ർ​ഡ്. ഇ​ന്ത്യ 296.

  
ആദ്യ ഇന്നിംഗ്‌സിൽ 469 റൺസടിച്ച് കൂട്ടിയ ഓസീസ് ഇന്ന് രണ്ടാം ഇന്നിംഗ്‌സിൽ 270 റൺസ് കൂടി ചേർത്തു. എട്ട് വിക്കറ്റ് നഷ്ടത്തിലായിരുന്നു ലീഡ് 443 വരെയെത്തിച്ചത്. 444 റ​ണ്‍​സ് എ​ന്ന ല​ക്ഷ്യം ഇ​ന്ത്യ​ക്ക് മു​ന്നി​ൽ​വ​ച്ച ഓ​സ്ട്രേ​ലി​യ ര​ണ്ടാം ഇ​ന്നിം​ഗ്സ് ഡി​ക്ല​യ​ർ ചെ​യ്യു​ക​യാ​യി​രു​ന്നു.

Read more: ബ്രി​ജ്ഭൂ​ഷ​ണി​നെ​തി​രെ 15-നകം ന​ട​പ​ടി​യി​ല്ലെ​ങ്കി​ൽ ഏ​ഷ്യ​ൻ ഗെ​യിം​സി​ൽ പ​ങ്കെ​ടു​ക്കി​ല്ല: നിലപാട് കടുപ്പിച്ച് ഗു​സ്തി താരങ്ങൾ

ഇ​ന്ത്യ​ൻ ഓ​പ്പ​ണ​ർ​മാ​രാ​യ രോ​ഹി​ത് ശ​ർ​മ​യും ശു​ഭ്മാ​ൻ ഗി​ല്ലും ര​ണ്ടാം ഇ​ന്നിം​ഗ്സി​ൽ മി​ക​ച്ച തു​ട​ക്കം കു​റി​ച്ചു. ഏ​ഴ് ഓ​വ​റി​ൽ വി​ക്ക​റ്റ് ന​ഷ്ട​മി​ല്ലാ​തെ 41 റ​ണ്‍​സ് ഇ​ന്ത്യ​ൻ സ്കോ​ർ ബോ​ർ​ഡി​ൽ എ​ത്തി.

എ​ട്ടാം ഓ​വ​ർ എ​റി​യാ​നെ​ത്തി​യ സ്കോ​ട്ട് ബോ​ല​ണ്ടി​ന്‍റെ ആ​ദ്യ​പ​ന്തി​ൽ ഗ​ള്ളി​യി​ൽ കാ​മ​റൂ​ണ്‍ ഗ്രീ​നി​ന്‍റെ ഉ​ജ്വ​ല ഇ​ടം​കൈ ക്യാ​ച്ചി​ലൂ​ടെ ഗി​ൽ പു​റ​ത്ത്. ക്യാ​ച്ച് എ​ടു​ക്കു​ന്ന​തി​നി​ടെ ഗ്രീ​നി​ന്‍റെ കൈ ​മൈ​താ​ന​ത്ത് ഉ​ര​സു​ന്ന​ത് റീ​പ്ലേ​യി​ൽ കാ​ണാ​മാ​യി​രു​ന്നു. എ​ങ്കി​ലും തേ​ർ​ഡ് അ​ന്പ​യ​റി​ന്‍റെ വി​ധി ഗി​ല്ലി​ന് എ​തി​രാ​യി. അ​വി​ശ്വ​സ​നീ​യ​ത​യോ​ടെ ഗി​ൽ ക്രീ​സ് വി​ട്ടു.

ഗി​ല്ലി​നു (18) പി​ന്നാ​ലെ രോ​ഹി​ത് ശ​ർ​മ (43), ചേ​തേ​ശ്വ​ർ പൂ​ജാ​ര (27) എ​ന്നി​വ​രും പു​റ​ത്താ​യി. നാ​ലാം ദി​നം ക​ളി നി​ർ​ത്തു​ന്പോ​ൾ വി​രാ​ട് കോ​ഹ്‌​ലി​യും (44), അ​ജി​ങ്ക്യ ര​ഹാ​നെ​യു​മാ​ണ് (20) ക്രീ​സി​ൽ.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം