അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: കേരള ടൂറിസം ഡെവലപ്പ്‌മെന്റ് കോർപ്പറേഷന്റെ (കെ.ടി.ഡി.സി) തേക്കടി, മൂന്നാർ, പൊന്മുടി, കുമരകം, കൊച്ചി എന്നിവിടങ്ങളിലെ റിസോർട്ടുകൾ സന്ദർശിക്കാൻ മൺസൂൺ പാക്കേജുകൾ ഒരുക്കുന്നു.
കെ.ടി.ഡി.സിയുടെ പ്രീമിയം ഡെസ്റ്റിനേഷൻ റിസോർട്ടുകളായ തിരുവനന്തപുരം മാസ്ക്കോട്ട് ഹോട്ടൽ, തേക്കടിയിലെ ആരണ്യനിവാസ്, കൊച്ചിയിലെ ബോൾഗാട്ടി പാലസ് എന്നിവിടങ്ങളിൽ 2 രാത്രി, 3 ദിവസത്തെ താമസം, പ്രഭാതഭക്ഷണം എന്നിവ ഉൾപ്പെടെ മാതാപിതാക്കൾക്കും രണ്ട് കുട്ടികൾക്കും 9,999 രൂപയ്‌ക്കും കുമരകത്തെ വാട്ടർസ്‌കേ‌പ്‌സ്, മൂന്നാറിലെ ടീ കൗണ്ടി എന്നിവിടങ്ങളിൽ 11,999 രൂപയ്‌ക്കും പാക്കേജ് ലഭ്യമാണ്.
Read more: മാവേലിക്കരയിൽ ആറു വയസ്സുകാരിയെ പിതാവ് വെട്ടിക്കൊലപ്പെടുത്തി
ബഡ്‌ജറ്റ് ഡെസ്റ്റിനേഷൻ റിസോർട്ടുകളായ തേക്കടിയിലെ പെരിയാർ ഹൗസ്, തണ്ണീർമുക്കത്തെ സുവാസം കുമരകം ഗേറ്റ്‌വേ, പൊന്മുടിയിലെ ഗോൾഡൻ പീക്ക്, മലമ്പുഴയിലെ ഗാർഡൻ ഹൗസ് എന്നിവിടങ്ങളിൽ 2 രാത്രിയും 3 ദിവസത്തെ താമസവും ഉൾപ്പെടെ 4999 രൂപയാണ് ഈടാക്കുന്നത്. നിലമ്പൂരിലെ ടാമറിൻഡ് ഈസി ഹോട്ടൽ, മണ്ണാർക്കാടിലെ ടാമറിൻഡ് ഈസി ഹോട്ടൽ എന്നിവിടങ്ങളിൽ ഇതേ പാക്കേജിന് 3499 രൂപയാണ് ഈടാക്കുക. സെപ്തംബർ 30 വരെ പാക്കേജുകൾ പ്രാബല്യത്തിലുണ്ടാകും. ഓണക്കാലത്തും വെള്ളി,ശനി മറ്റ് അവധിദിവസങ്ങളിലും പാക്കേജുകൾ ലഭ്യമായിരിക്കില്ല.
ജോലിയില്‍ നിന്നും വിരമിച്ചവര്‍ക്കും പ്രവാസികള്‍ക്കും അവധിക്കാലം ആസ്വദിക്കാനുതകുന്ന രീതിയിലുള്ള പ്രത്യേകം തയ്യാറാക്കിയ പാക്കേജുകളുമുണ്ട്. മൂന്നുരാത്രിയും നാലുപകലും താമസം, പ്രഭാതഭക്ഷണം, ചായ/കോഫി, സ്‌നാക്‌സ്‌, ഡിന്നര്‍, നികുതി എന്നിവ ഉൾപ്പെടെയുള്ള പാക്കേജ് 13,500 രൂപയിലാണ്‌ ആരംഭിക്കുന്നത്. 2023 ജൂണ്‍ മുതല്‍ സെപ്തംബർ 30 വരെയാണ്‌ ഈ പാക്കേജുകള്‍ ലഭ്യമാകുന്നത്.
വിവരങ്ങള്‍ക്ക്‌ കെ.ടി.ഡി.സി വെബ്സൈറ്റ് ww.ktdc.com/packages അല്ലെങ്കിൽ 0471-2316736,2725213,9400008585 എന്ന നമ്പറിലോ centralreservations@ktdc.com എന്ന മെയിൽ ഐഡിയിലോ അതാത്‌ ഹോട്ടലുകളിലോ ബന്ധപ്പെടുക.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
