അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദഹോദ്: പിണങ്ങി താമസിക്കുന്ന ഭാര്യയെ പൊതുജന മധ്യത്തില്‍ വച്ച് നഗ്നയാക്കി മര്‍ദ്ദിച്ച് ഭര്‍ത്താവും സുഹൃത്തുക്കളും. ഗുജറാത്തിലെ ദഹോദ് ജില്ലയിലാണ് ഞെട്ടിക്കുന്ന സംഭവം. മെയ് 28നാണ് കേസിനാസ്പദമായ സംഭവം നടക്കുന്നത്. ഇതിന്‍റെ വീഡിയോ സോഷ്യൽ മീഡിയയിലൂടെ വൈറലായതിന് പിന്നാലെ നാല് പേരെ പൊലീസ് അറസ്റ്റ് ചെയ്ത്. ബുധനാഴ്ചയാണ് യുവതിയുടെ ഭര്‍ത്താവും സുഹൃത്തുക്കളുമടക്കം നാല് പേരെ പൊലീസ് അറസ്റ്റ് ചെയ്തത്. കുടുംബ കലഹം പതിവായതിന് പിന്നാലെയാണ് യുവതി നാല് മക്കളുമായി പ്രേത്യകം താമസമാരംഭിച്ചത്.
Read More:അഞ്ചുവയസ്സുകാരിയെ പീഡിപ്പിച്ച കേസിൽ 69കാരൻ അറസ്റ്റിൽ
ഒന്നര വര്‍ഷത്തോളമായി ഇവര്‍ മാറി താമസിച്ചിട്ട്. അടുത്തിടെ യുവതിയ്ക്കൊപ്പം മറ്റൊരു യുവാവ് താമസം . ഇതാണ് പൊതുജന മധ്യത്തിലെ അതിക്രമത്തിലേക്ക് നയിച്ചതെന്നാണ് പൊലീസ് വിശദമാക്കുന്നത്. യുവതി താമസിച്ചിരുന്ന രാമപുര ഗ്രാമത്തില്‍ നിന്ന് മൂന്ന് സുഹൃത്തുക്കളുടെ സഹായത്തോടെയാണ് യുവതിയെ ഭര്‍ത്താവ് തട്ടിക്കൊണ്ട് വന്നത്. മാര്‍ഗല ഗ്രാമത്തില്‍ വച്ചായിരുന്നു നിരവധി ആളുകള്‍ നോക്കി നില്‍ക്കെ യുവതിയെ നഗ്നയാക്കി ഭര്‍ത്താവും സുഹൃത്തുക്കളും മര്‍ദ്ദിച്ചത്. ആദിവാസി വിഭാഗത്തില്‍‌പ്പെട്ട യുവതിയാണ് ആക്രമിക്കപ്പെട്ടത്. ദിവസ വേതനത്തിന് ജോലി ചെയ്തായിരുന്നു യുവതി കുട്ടികളെ നോക്കിയിരുന്നത്. ഭര്‍ത്താവിന്‍റെ അമ്മയുടെ ക്ഷണം അനുസരിച്ച് ഒരു വിവാഹത്തില്‍ പങ്കെടുക്കാനാണ് യുവതി രാമപുരയിലെത്തുന്നത്.
Read More:ശാരീരികബന്ധത്തിന് വിസമ്മതിച്ചു; ഭാര്യയെ ശ്വാസംമുട്ടിച്ച് കൊലപ്പെടുത്തിയ 24കാരൻ അറസ്റ്റിൽ
ഇവിടെ വച്ച് യുവതിയെ കണ്ട ഭര്‍ത്താവ് ഇവരെ സുഹൃത്തുക്കളുട സഹായത്തോടെ കാറില്‍ കയറ്റിക്കൊണ്ടു പോവുകയായിരുന്നു. സംഭവങ്ങള്‍ക്ക് സാക്ഷിയായ ഒരു യുവാവ് അതിക്രമത്തിന്‍റെ ദൃശ്യങ്ങള്‍ സമൂഹമാധ്യമങ്ങളില്‍ പോസ്റ്റ് ചെയ്തതോടെയാണ് സംഭവം പുറത്തറിയുന്നത്. സുഹൃത്തുക്കള്‍ ഭാര്യയെ ആക്രമിക്കുമ്പോള്‍ ഭര്‍ത്താവ് നൃത്തം ചെയ്യുന്നതും വീഡിയോയില്‍ വ്യക്തമാണ്. യുവതിയെ സഹായിക്കാന്‍ കാഴ്ചക്കാരില്‍ ആരും തയ്യാറായതുമില്ല. സംഭവത്തില്‍ അന്വേഷണം പുരോഗമിക്കുകയാണെന്ന് പൊലീസ് വിശദമാക്കി.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
