അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സംഗീതജ്ഞനും സംഗീത സംവിധായകനുമായ പി.കെ കേശവൻ നമ്പൂതിരി (84) അന്തരിച്ചു. ഞായറാഴ്ച പുലർച്ചെ നാല് മണിയോടെ തൃശൂരിലെ വസതിയിലായിരുന്നു അന്ത്യം. പാലക്കാട് കോങ്ങാട് സ്വദേശിയാണ് ഇദ്ദേഹം.
കേശവൻ നമ്പൂതിരി ഭക്തിഗാനരംഗത്ത് ഏറെ ശ്രദ്ധേയനായിരുന്നു. സംഗീത കാസറ്റ്സ് പുറത്തിറക്കിയ പുഷ്പാഞ്ജലി (1981) തരംഗിണിയുടെ വനമാല (1983) തുടങ്ങിയവയാണ് ശ്രദ്ധേയമായ ആൽബങ്ങൾ.
യേശുദാസ്, ജയചന്ദ്രൻ, സുജാത തുടങ്ങി നിരവധി പേർ കേശവൻ നമ്പൂതിരിയുടെ സംഗീതത്തിൽ പാടിയിട്ടുണ്ട്. ഭക്തിഗാനങ്ങൾക്ക് പുറമെ നിരവധി ലളിതഗാനങ്ങൾക്കും കേശവൻ നമ്പൂതിരി സംഗീതം നൽകി. തൃശൂർ ആകാശവാണിയിലെ ജീവനക്കാരനായിരുന്നു. 1998-ലാണ് വിരമിച്ചത്.
