അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അഹമ്മദാബാദ്: ഇന്ത്യന്‍ പ്രീമിയര്‍ ലീഗില്‍ ഗുജറാത്ത് ടൈറ്റന്‍സിനെതിരെ ടോസ് നേടിയ സണ്‍റൈസേഴ്‌സ് ഹൈദരാബാദ് ബൗളിംഗ് തെരഞ്ഞെടുത്തു. അര്‍ബുദത്തിനെതിരായ പോരാട്ടത്തിന്‍റെ ഭാഗമായി പ്രത്യേക ജേഴ്‌സിയണിഞ്ഞാണ് ടൈറ്റന്‍സ് ഇറങ്ങുന്നത്.
12 മത്സരങ്ങളില്‍ 16 പോയിന്‍റുള്ള ഗുജറാത്ത് ടൈറ്റന്‍സിനോട് ഇന്ന് വിജയിച്ചാല്‍ ധൈര്യമായി പ്ലേ ഓഫിലെത്താം. 11 കളിയില്‍ 8 പോയിന്‍റ് മാത്രമുള്ള സണ്‍റൈസേഴ്‌സ് ഹൈദരാബാദിന് പ്ലേ ഓഫ് സാധ്യത നിലനിര്‍ത്താന്‍ പോലും ഇനിയുള്ള മൂന്ന് കളിയും ജയിക്കണം.
ഹൈദരാബാദില്‍ ഗ്ലെന്‍ ഫിലിപ്‌സിന് പകരം മാര്‍ക്കോ യാന്‍സന്‍ തിരിച്ചെത്തി. ടൈറ്റന്‍സ് നിരയില്‍ പരിക്കേറ്റ വിജയ് ശങ്കറിന് പകരം സായ് എത്തിയപ്പോള്‍ ദാസുന്‍ ഷനക അരങ്ങേറ്റം കുറിക്കുന്നു. യഷ് ദുയാലും ടീമിലേക്ക് തിരിച്ചെത്തി.
