അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊല്‍ക്കത്ത: ഐപിഎല്ലില്‍ നിര്‍ണ്ണായക മത്സരത്തില്‍ കൊല്‍ക്കത്ത നൈറ്റ് റൈഡേഴ്‌സിനെതിരെ രാജസ്ഥാന് റോയല്‍സിന് ഒമ്പത് വിക്കറ്റിന്‍റെ രാജകീയ ജയം. 150 റണ്‍സ് വിജയലക്ഷ്യം പിന്തുടരുന്ന രാജസ്ഥാന് 13.1 ഓവറില്‍ ഒരു വിക്കറ്റ് മാത്രം നഷ്ടത്തില്‍ ലക്ഷ്യം മറികടന്നു. യഷസ്വി ജയ്സ്വാളിന്റെ ഇന്നിംഗാസാണ് (47 പന്തില്‍ പുറത്താവതാെ 98) രാജസ്ഥാനെ വിജത്തിലേക്ക് നയിച്ചത്. ഐപിഎല്ലിലെ ഏറ്റവും വേഗമേറിയ അര്‍ധ സെഞ്ചുറിയെന്ന റെക്കോഡാണ് താരം കുറിച്ചത്. കൊല്‍ക്കത്ത നൈറ്റ് റൈഡേഴ്‌സിനെതിരായ മത്സരത്തില്‍ 13 പന്തില്‍ നിന്നായിരുന്നു ജയ്സ്വാളിന്റെ അര്‍ധ സെഞ്ചുറി.
14 പന്തില്‍ നിന്ന് 50 തികച്ച കെ.എല്‍ രാഹുല്‍ (2018-ല്‍ പഞ്ചാബിനായി), പാറ്റ് കമ്മിന്‍സ് (2022-ല്‍ കൊല്‍ക്കത്തയ്ക്കായി) എന്നിവരുടെ റെക്കോഡാണ് ജയ്‌സ്വാള്‍ മറികടന്നത്.
ആദ്യം ബാറ്റു ചെയ്തു കൊൽക്കത്ത നിശ്ചിത 20 ഓവറിൽ എട്ടു വിക്കറ്റ് നഷ്ടത്തിലാണ് 149 റൺസെടുത്തത്. കൊല്‍ക്കത്തയ്ക്കായി വെങ്കടേഷ് അയ്യര്‍ (42 പന്തില്‍ 57) മാത്രമാണ് മികച്ച പ്രകടനം പുറത്തെടുത്തത്. കൊല്‍ക്കത്തയുടെ തുടക്കം തകര്‍ച്ചയോടെയായിരുന്നു. മൂന്നാം ഓവറിന്റെ രണ്ടാം പന്തില്‍ റോയ് മടങ്ങുന്നത്. ബോള്‍ട്ടിന്റെ പന്തില്‍ ബൗണ്ടറി ലൈനില്‍ ഷിംറോ ഹെറ്റ്‌മെയറുടെ അവിശ്വനീയ ക്യാച്ച്. അപ്പോള്‍ സ്‌കോര്‍ബോര്‍ഡില്‍ 14 റണ്‍സ് മാത്രമാണുണ്ടായിരുന്നത്. അഞ്ചാം ഓവറില്‍ സഹഓപ്പമര്‍ റഹ്‌മാനുള്ള ഗുര്‍ബാസിനേയും (18) ബോള്‍ട്ട് മടക്കി. ഇത്തവണ സന്ദീപ് ശര്‍മയ്ക്ക് ക്യാച്ച്. തുടര്‍ന്ന് വെങ്കടേഷ്- നിതീഷ് റാണ (22) സഖ്യമാണ് തകര്‍ച്ചയില്‍ നിന്ന് രക്ഷിച്ചത്. എന്നാല്‍ റാണയെ പുറത്താക്കി ചാഹല്‍ ബ്രേക്ക് ത്രൂ നല്‍കി. പിന്നീട് ക്രീസിലെത്തിയ ആന്ദ്രേ റസ്സല്‍ (10), ഷാര്‍ദുല്‍ ഠാക്കൂര്‍ (1), റിങ്കു സിംഗ് (16) എന്നിവര്‍ക്കൊന്നും തിളങ്ങാന്‍ സാധിച്ചില്ല.
നാലു വിക്കറ്റ് വീഴ്ത്തിയ സ്പിന്നർ യുസ്‌വേന്ദ്ര ചെഹലിന്റെ പ്രകടനമാണ് കൊൽക്കത്തയെ താരതമ്യേന ചെറിയ സ്കോറിൽ ഒതുക്കിയത്. ട്രെന്റ് ബോൾട്ട് രണ്ടു വിക്കറ്റും കെ.എം.ആസിഫ്, സന്ദീപ് ശർ‌മ എന്നിവർ ഓരോ വിക്കറ്റ് വീതവും വീഴ്ത്തി.
മറുപടി ബാറ്റിങ്ങിൽ, ആദ്യ ഓവറിൽ തുടങ്ങിയ വെട്ടിക്കെട്ട് രാജസ്ഥാൻ റോയൽസ് അവസാനിപ്പിച്ചത് 14–ാം ഓവറിൽ വിജയറൺ നേടിയശേഷമാണ്. അതുവരെ കൊൽക്കത്ത ബോളർമാരെ യശ്വസി ജയ്‌സ്വാളും സഞ്ജു സാംസണും നിലംതൊടീച്ചിട്ടില്ല. നിർണായക ഐപിഎൽ മത്സരത്തിൽ കൊൽക്കത്തയ്‌ക്കെതിരെ ഒൻ‌പതു വിക്കറ്റിനാണ് രാജസ്ഥാൻ റോയൽസ് വിജയിച്ചത്. ഐപിഎലിലെ വേഗമേറിയ അർധസെ‍ഞ്ചറി തികച്ച യശ്വസി ജയ്‌സ്വാൾ (47 പന്തിൽ 98*), ക്യാപ്റ്റൻ സഞ്ജു സാംസൺ (29 പന്തിൽ 48) എന്നിവരാണ് രാജസ്ഥാന് തകർപ്പൻ ജയം സമ്മാനിച്ചത്.
