അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊല്‍ക്കത്ത: ഐപിഎല്ലില്‍ കൊല്‍ക്കത്ത നൈറ്റ് റൈഡേഴ്‌സിനെതിരെ നിര്‍ണായക മത്സരത്തില്‍ ടോസ് നേടിയ രാജസ്ഥാന് റോയല്‍സ് ബൌളിംഗ് തെരഞ്ഞെടുത്തു. ഇരു ടിമുകള്‍ക്കും ഇന്നത്തെ മത്സരം നിര്‍ണായകമാണ്. 11 മത്സരങ്ങളില്‍ 10 പോയിന്റാണ് ഇരുവര്‍ക്കുമുള്ളത്. എന്നാല്‍ നെറ്റ് റണ്‍റേറ്റ് അടിസ്ഥാനത്തില്‍ രാജസ്ഥാന് അഞ്ചാമതാണ്. കൊല്‍ക്കത്ത ആറാം സ്ഥാനത്തും. ഇന്ന് ജയിച്ചാല്‍ രാജസ്ഥാന് മൂന്നാമതെത്താം. കൊല്‍ക്കത്തയ്ക്ക് നാലാമതെത്താനുള്ള അവസരവുമുണ്ട്.
രണ്ട് മാറ്റങ്ങളുമായിട്ടാണ് രാജസ്ഥാന് ഇറങ്ങുന്നത്. കെ എം ആസിഫും ട്രന്റ് ബോള്‍ട്ടും ടീമില്‍ തിരിച്ചെത്തി. കുല്‍ദീപ് യാദവ്, മുരുകന്‍ അശ്വിന്‍ എന്നിവര്‍ പുറത്തായി. കഴിഞ്ഞ മത്സത്തില്‍ രാജസ്ഥാന് റോയല്‍സില്‍ അരങ്ങേറ്റം നടത്തിയ ജോ റൂട്ടിനെ ടീമില്‍ നിലനിര്‍ത്തി. കൊല്‍ക്കത്ത ഒരു മാറ്റം വരുത്തി. വൈഭവ് അറോറയ്ക്ക് പകരം അനുകൂല്‍ റോയ് ടീമിലെത്തി.
രാജസ്ഥാന് റോയല്‍സ്: ജോസ് ബട്‌ലര്‍, യഷസ്വി ജയ്‌സ്വാള്‍, സഞ്ജു സാംസണ്‍, ജോ റൂട്ട്, ഷിംറോണ്‍ ഹെറ്റ്‌മെയര്‍, ധ്രുവ് ജുറല്‍, ആര് അശ്വിന്‍, ട്രന്റ് ബോള്‍ട്ട്, കെ എം ആസിഫ്, യൂസ്‌വേന്ദ്ര ചാഹല്‍, സന്ദീപ് ശര്‍മ.
കോല്‍ക്കത്ത നൈറ്റ് റൈഡേഴ്‌സ്: റഹ്‌മാനുള്ള ഗുര്‍ബാസ്, ജേസണ്‍ റോയ്, വെങ്കടേഷ് അയ്യര്‍, നിതീഷ് റാണ, റിങ്കു സിംഗ്, ആേ്രന്ദ റസ്സല്‍, സുനില്‍ നരെയ്ന്‍, ഷാര്‍ദുല്‍ ഠാക്കൂര്‍, അനുകൂല്‍ റോയ് ഹര്‍ഷിത് റാണ, വരുണ്‍ ചക്രവര്‍ത്തി.
