അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ജയ്പൂർ: ഇന്ത്യൻ പ്രീമിയർ ലീഗിൽ ഇന്ന് ഇന്ത്യന്‍ സമയം 7.30ന് നടക്കുന്ന മത്സരത്തില്‍ സൺറൈസേഴ്സ് ഹൈദരാബാദിനെതിരെ ടോസ് നേടിയ രാജസ്ഥാന് റോയല്‍സ് ബാറ്റിംഗ് തെരഞ്ഞെടുത്തു. രാജസ്ഥാന്റെ ഹോം ഗ്രൗണ്ടായ ജയ്പൂർ സവായ്മാൻസിങ് സ്റ്റേഡിയത്തിലാണ് മത്സരം.
പ്ലേ ഓഫ് പ്രതീക്ഷകൾ സജീവമാക്കാനാണ് രാജസ്ഥാൻ റോയൽസ് ഇന്നു നിർണായക പോരാട്ടത്തിന് ഇറങ്ങുന്നത്. സീസണിന്റെ ആദ്യ പകുതിയിൽ പോയിന്റ് പട്ടികയിൽ ഒന്നാം സ്ഥാനത്തുണ്ടായിരുന്ന രാജസ്ഥാൻ ഇപ്പോൾ നാലാമതാണ്. അഞ്ച് വിജയവും അത്ര തന്നെ തോൽവികളുമുള്ള റോയൽസിന് 10 പോയിന്റാണുള്ളത്.
പട്ടികയില്‍ രാജസ്ഥാന് തൊട്ടുപിന്നിലുള്ള ആർസിബി, മുംബൈ ഇന്ത്യൻസ്, പഞ്ചാബ് കിങ്സ് ടീമുകൾക്കും പത്തുപോയിന്റ് വീതമുണ്ട്. അതുകൊണ്ടുതന്നെ അവസാന സ്ഥാനക്കാരായ സൺറൈസേഴ്സിനെതിരെ ജയിച്ചു തിരിച്ചുവരാനാണ് സഞ്ജുവിന്റെയും സംഘത്തിന്റേയും ശ്രമം.
അവസാനം കളിച്ച അഞ്ച് മത്സരങ്ങളിൽ ഒന്നിൽ മാത്രമാണു റോയൽസിനു വിജയിക്കാൻ സാധിച്ചത്. ബാറ്റിങ്ങിൽ ജോസ് ബട്‍ലറും ക്യാപ്റ്റൻ സഞ്ജു സാംസണും ഫോമിലല്ലാത്തത് രാജസ്ഥാന് തലവേദനയാണ്. ടീം സിലക്ഷനിലും നിർണായക തീരുമാനങ്ങളെടുക്കുന്നതിലും രാജസ്ഥാനു പിഴയ്ക്കുന്നതായി വിമർശനമുയർന്നുകഴിഞ്ഞു.
