അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഹൈദരാബാദ്: ഐപിഎല്‍ ഇന്ന് നടക്കുന്ന മത്സരത്തില്‍ സണ്‍റൈസേഴ്‌സ് ഹൈദരാബാദിനെതിരെ ടോസ് നേടിയ കൊല്‍ക്കത്ത നൈറ്റ് റൈഡേഴ്‌സ് ബാറ്റിംഗ് തെരഞ്ഞെടുത്തു. ഹൈദരാബാദില്‍ ഇന്ത്യന്‍ സമയം വൈകിട്ട് ഏഴരയ്‌ക്കാണ് സണ്‍റൈസേഴ്‌സ് ഹൈദരാബാദ്-കൊല്‍ക്കത്ത നൈറ്റ് റൈഡേഴ്‌സ് മത്സരം ആരംഭിക്കുക.
രണ്ട് മാറ്റങ്ങളുമായാണ് കൊല്‍ക്കത്ത നൈറ്റ് റൈഡേഴ്‌സ് ഇറങ്ങുന്നത്. കൊല്‍ക്കത്ത നിരയില്‍ ഡേവിഡ് വീസിന് പകരം ജേസന്‍ റോയിയും എന്‍ ജഗദീശന് പകരം വൈഭവ് അറോറയും ഇടംപിടിച്ചു. അതേസമയം സണ്‍റൈസേഴ്‌സിലും മാറ്റങ്ങളുണ്ട്. പരിക്ക് മാറിയ യുവ പേസര്‍ കാര്‍ത്തിക് ത്യാഗി ടീമിലേക്ക് എത്തി. ഇരു ടീമിനും ജയം അനിവാര്യമാണ് ഈ മത്സരത്തില്‍.
പ്ലേയിംഗ് ഇലവനുകള്‍
സണ്‍റൈസേഴ്‌സ് ഹൈദരാബാദ്: മായങ്ക് അഗര്‍വാള്‍, അഭിഷേക് ശര്‍മ്മ, ഏയ്‌ഡന്‍ മാര്‍ക്രം(ക്യാപ്റ്റന്‍), ഹെന്‍‌റിച്ച് ക്ലാസന്‍(വിക്കറ്റ് കീപ്പര്‍), ഹാരി ബ്രൂക്ക്, അബ്‌ദുല്‍ സമദ്, മാര്‍ക്കോ യാന്‍സന്‍, മായങ്ക് മര്‍ക്കാണ്ഡെ, ഭുവനേശ്വര്‍ കുമാര്‍, കാര്‍ത്തിക് ത്യാഗി, ടി നടരാജന്‍.
കൊല്‍ക്കത്ത നൈറ്റ് റൈഡേഴ്‌സ്: റഹ്‌മാനുള്ള ഗുര്‍ബാസ്(വിക്കറ്റ് കീപ്പര്‍), ജേസന്‍ റോയി, വെങ്കടേഷ് അയ്യര്‍, നിതീഷ് റാണ(ക്യാപ്റ്റന്‍), ആന്ദ്രേ റസല്‍, സുനില്‍ നരെയ്‌ന്‍, ഷര്‍ദ്ദുല്‍ ഠാക്കൂര്‍, വൈഭവ് അറോറ, ഹര്‍ഷിത് റാണ, വരുണ്‍ ചക്രവര്‍ത്തി.
