സുരക്ഷയ്ക്ക് ചെലവ് 56.63 ലക്ഷം; കേ​ര​ള​ത്തി​ലേ​ക്കു​ള്ള യാ​ത്ര ഉ​പേ​ക്ഷി​ച്ച് മ​അ​ദ​നി

ബം​ഗ​ളൂ​രു: കേ​ര​ള​ത്തി​ലേ​ക്ക് വ​രു​ന്ന​തി​ന് സു​ര​ക്ഷ ഒ​രു​ക്കാ​നാ​യി ക​ർ​ണാ​ട​ക സ​ർ​ക്കാ​ർ ആ​വ​ശ്യ​പ്പെ​ട്ട അ​ക​മ്പ​ടി​ത്തു​ക കൂ​ടു​ത​ലാ​യ​തി​നാ​ൽ യാ​ത്ര ഉ​പേ​ക്ഷി​ക്കു​ന്ന​താ​യി പി​ഡി​പി നേ​താ​വ് അ​ബ്ദു​ൾ നാ​സ​ർ മ​അ​ദ​നി. സു​ര​ക്ഷാ ചെ​ല​വ് എ​ന്ന പേ​രി​ൽ ഇ​ത്ര​യും തു​ക വാ​ങ്ങു​ന്ന​ത് അ​നീ​തി​യാ​ണെ​ന്ന് മ​അ​ദ​നി​യും കു​ടും​ബ​വും അ​റി​യി​ച്ചു.

കോടതിയിൽ നിന്ന് ജാമ്യം കിട്ടി ഇരിക്കുന്ന തനിക്ക് രോഗിയായ പിതാവിനെ കാണാനും സ്വന്തം ചികിത്സയ്ക്കും വേണ്ടി പിറന്ന നാട്ടിലേക്ക് പോവണമെങ്കിൽ പത്തിരുനൂറ് പൊലീസും കോടിക്കണക്കിന് രൂപയുമൊക്കെ കൊടുക്കണമെന്ന് പറഞ്ഞാൽ അതുൾക്കൊള്ളാൻ ബുദ്ധിമുട്ടാണ്. അതിനാൽ ഈ നിബന്ധനകൾ പാലിച്ച് കേരളത്തിലേക്ക് പോവാൻ താൻ തയാറല്ല.

‘ആരെങ്കിലുമൊക്കെ സഹായിക്കും, ഏതെങ്കിലുമൊക്കെ പാവങ്ങളൊക്കെ കൂടി പൈസയെടുത്ത് തരും എന്നതുകൊണ്ടുമാത്രം ഒരു നീതിനിഷേധത്തോട് സന്ധിയാവാൻ കഴിയില്ല. അങ്ങനെ നേരത്തെ സന്ധിയായിരുന്നെങ്കിൽ ഇപ്പോൾ അഭിമുഖീകരിക്കുന്ന പ്രശ്‌നങ്ങൾ പലതും നേരിടേണ്ടിവരില്ലായിരുന്നു’.

‘അബ്ദുൽനാസർ മഅ്ദനിയെ സഹായിക്കാൻ ചെലപ്പോൾ ആളുകളുണ്ടാവും. പക്ഷേ എനിക്കറിയുന്ന, പട്ടിണി കിടന്ന് ജയിൽവാസമനുഭവിക്കുന്ന ഒരുപാട് ആളുകളുണ്ട്. പീഡനങ്ങളനുഭവിക്കുന്ന, കഠിനമായ നീതി നിഷേധം നേരിട്ടുകൊണ്ടിരിക്കുന്ന ഒരുപാട് പേരുണ്ട്. ഉടുതുണിക്ക് മറുതുണിയില്ലാത്ത ആ പട്ടിണിപ്പാവങ്ങളിലൊരാൾക്കാണ് ഇത് സംഭവിക്കുന്നതെങ്കിൽ തീർച്ചയായും അയാളെ സഹായിക്കാനാരുമുണ്ടാവില്ല’.

‘അപ്പോൾ സഹായിക്കാൻ സന്നദ്ധരായ കുറെ സഹോദരന്മാരുണ്ടെന്നും സഹായം കിട്ടും എന്നും ഉറപ്പുണ്ടെങ്കിലും ഈ നീതിനിഷേധത്തോട് ഞാൻ സന്ധിയായാൽ, ഇങ്ങനെയൊരു കീഴ്‌വഴക്കം ഞാനുണ്ടാക്കിയാൽ നാളെ ഏതെങ്കിലുമൊരു സാധുവിന് അയാളുടെ നാട്ടിൽ പോവേണ്ടിവരുന്ന സാഹചര്യമുണ്ടാവുമ്പോൾ കർണാടക സർക്കാർ ലക്ഷങ്ങളുടേയും കോടികളുടേയും കണക്കെഴുതി കൊടുത്താൽ അയാളെന്ത് ചെയ്യും’- മഅ്ദനി ചോദിച്ചു. 

മ​അ​ദ​നി​യു​ടെ കേ​ര​ള സ​ന്ദ​ർ​ശ​ന​ത്തി​ന് സു​ര​ക്ഷ ഒ​രു​ക്കാ​നാ​യി 60 ല​ക്ഷം രൂ​പ കെ​ട്ടി​വ​യ്ക്ക​ണ​മെ​ന്ന് ക​ർ​ണാ​ട​ക സ​ർ​ക്കാ​ർ അ​റി​യി​ച്ചി​രു​ന്നു. അ​ക​മ്പ​ടി തു​ക കു​റ​യ്ക്ക​ണ​മെ​ന്ന മ​അ​ദ​നി​യു​ടെ ഹ​ർ​ജി സു​പ്രീം കോ​ട​തി ത​ള്ളി​യി​രു​ന്നു. തു​ക ആ​വ​ശ്യ​പ്പെ​ട്ട ക​ർ​ണാ​ട​ക സ​ർ​ക്കാ​രി​ന്‍റെ ന​ട​പ​ടി​യി​ൽ ഇ​ട​പെ​ടി​ല്ലെ​ന്ന് സു​പ്രീം കോ​ട​തി വ്യ​ക്ത​മാ​ക്കി.

60 ല​ക്ഷം രൂ​പ എ​ന്ന തു​ക​യി​ൽ ഇ​ള​വ് വ​രു​ത്താ​നാ​വി​ല്ലെ​ന്ന് ക​ർ​ണാ​ട​ക ഭീ​ക​ര​വി​രു​ദ്ധ സെ​ൽ സു​പ്രീം കോ​ട​തി​യി​ൽ ന​ൽ​കി​യ സ​ത്യ​വാം​ഗ്‌​മൂ​ല​ത്തി​ൽ നേ​ര​ത്തെ വ്യ​ക്ത​മാ​ക്കി​യി​രു​ന്നു. അ​ക​മ്പ​ടി പോ​കു​ന്ന പോ​ലീ​സ് ഉ​ദ്യോ​ഗ​സ്ഥ​രു​ടെ എ​ണ്ണം വെ​ട്ടി കു​റ​യ്ക്കാ​നാ​കി​ല്ലെ​ന്നും ക​ർ​ണാ​ട​ക സ​ർ​ക്കാ​ർ കോ​ട​തി​യെ അ​റി​യി​ച്ചി​രു​ന്നു.

ഏ​പ്രി​ൽ 17-നാ​ണ് കേ​ര​ള​ത്തി​ലേ​ക്ക് പോ​കു​ന്ന​തി​നാ​യി മ​അ​ദ​നി​ക്ക് സു​പ്രീം കോ​ട​തി അ​നു​മ​തി ന​ൽ​കി​യ​ത്. അ​സു​ഖ ബാ​ധി​ത​നാ​യ പി​താ​വി​നെ കാ​ണു​ന്ന​തി​നാ​ണ് ജാ​മ്യ വ്യ​വ​സ്ഥ​യി​ൽ ഇ​ള​വ് അ​നു​വ​ദി​ച്ച് യാ​ത്രാ​നു​മ​തി ന​ൽ​കി​യ​ത്. ജൂ​ലൈ 10 വ​രെ മ​അ​ദ​നി​ക്ക് കേ​ര​ള​ത്തി​ൽ തു​ട​രാ​മെ​ന്ന് കോ​ട​തി അ​റി​യി​ച്ചി​രു​ന്നു.