അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പത്തനംതിട്ട: പന്തളത്ത് മധ്യവയസ്‌കന് നേരെ ക്രൂരമര്‍ദനം. കൈപ്പുഴ സ്വദേശി അരുണ്‍ രാജിനെയാണ് യുവാക്കള്‍ കൂട്ടംചേര്‍ന്ന് മര്‍ദിച്ചത്.
മാന്തുകപള്ളിക്ക് സമീപത്തെ കടയില്‍ നിന്നും ഭക്ഷണം വാങ്ങി പോകുന്നതിനിടെയായിരുന്നു സംഭവം. ഇരുചക്രവാഹനത്തില്‍ യാത്ര ചെയ്യുകയായിരുന്ന അരുണ്‍ രാജിനെ യാത്രയ്ക്കിടെ ഒരാള്‍ അസഭ്യം പറഞ്ഞു. ഇതു ചോദ്യം ചെയ്തതില്‍ പ്രകോപിതനായ യുവാവ് ഇദ്ദേഹത്തെ മര്‍ദിക്കുകയായിരുന്നു. തുടര്‍ന്ന് സ്ഥലത്തേക്ക് ബൈക്കിലെത്തിയ യുവാക്കളും അരുണ്‍ രാജിനെ മര്‍ദിച്ചു.
വിവരമറിഞ്ഞ സ്ഥലത്തെത്തിയ ബന്ധുക്കളാണ് ഇയാളെ ആശുപത്രിയിലെത്തിച്ചത്. മുഖത്തും തലയിലും നെഞ്ചിലും പരിക്കുണ്ട്.
