അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അങ്കമാലി: കാൽനടയാത്രക്കാരി നിയന്ത്രണം വിട്ട കാറിടിച്ച് മരിച്ചു. ചെങ്ങമനാട്- മാള റോഡിൽ പൊയ്ക്കാട്ടുശ്ശേരി ഗവ: എൽ.പി സ്കൂൾ കവലയിൽ മിൽമ സഹകരണ സംഘത്തിന് സമീപമായിരുന്നു അപകടം. നെടുമ്പാശ്ശേരി പൊയ്ക്കാട്ടുശ്ശേരി കോച്ചാട്ട് വടക്കൻ വീട്ടിൽ കുഞ്ഞുമോൻ്റെ ഭാര്യ ചിന്നമ്മയാണ് (69) മരിച്ചത്.
ഞായറാഴ്ച രാവിലെ 7.10ന് ആയിരുന്നു സംഭവം. മാള ഭാഗത്ത് നിന്ന് വരുകയായിരുന്ന കാറാണ് നിയന്ത്രണം വിട്ട് ചിന്നമ്മയെ ഇടിച്ചു തെറിപ്പിച്ചത്. ഇടിയുടെ ആഘാതത്തിൽ ചിന്നമ്മ 50 അടിയോളം ദൂരെ തെറിച്ചു വീഴുകയായിരുന്നു. വഴിയോരത്തെ വീടിൻ്റെ ഗേറ്റും തകർത്താണ് കാർ നിന്നത്.
അവശനിലയിലായ ചിന്നമ്മയെ നാട്ടുകാർ ആംബുലൻസിൽ കയറ്റി അങ്കമാലി അപ്പോളോ അഡ്ലക്സ് ആശുപത്രിയിൽ എത്തിച്ചെങ്കിലും വഴി മധ്യേ മരണപ്പെട്ടു.
