അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: പൂജപ്പുര സെൻട്രൽ ജയിലിൽ നിന്നും പോക്സോ കേസ് പ്രതി ജയിൽ ചാടി രക്ഷപ്പെടാൻ ശ്രമിച്ചു. സെൻട്രൽ ജയിലിലെ 11ാം ബ്ലോക്കിൽ നിന്നും ചാടിയ പ്രതി പക്ഷെ 12ാം ബ്ലോക്കിലേക്കാണ് എത്തിയത്.
ഇന്ന് വൈകീട്ട് നാലുമണിയോടെയായിരുന്നു സംഭവം. ജയിലിൽ സിനിമാ പ്രദർശനം നടക്കുന്നതിനിടെയാണ് യദുകൃഷ്ണൻ എന്ന് പേരായ പ്രതി ചാടിയത്. എന്നാൽ തടവുകാരനെ കാണാത്തതിനാൽ പരിശോധിച്ചപ്പോഴാണ് ജയിൽ ഉദ്യോഗസ്ഥർ 12-ാം ബ്ലോക്കിൽ നിന്നും ഇയാളെ കണ്ടെത്തിയത്.
എന്തിനാണ് ഇവിടെ ഇരിക്കുന്നതെന്ന ഉദ്യോഗസ്ഥരുടെ ചോദ്യത്തിന് മൂത്രമൊഴിക്കാനെത്തിയതെന്നായിരുന്നു തടവുകാരന്റെ മറുപടി. മതിൽ ചാടാനുള്ള ശ്രമം നടത്തിയതാണെന്ന് മനസിലായതോടെ ഇയാളെ അതീവ സു‌രക്ഷയുള്ള മറ്റൊരു ബ്ലോക്കിലേക്ക് മാറ്റി.
