അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പത്തനംതിട്ട: പതിമൂന്ന് വയസുകാരിയായ മകളെ പീഡിപ്പിച്ച പിതാവിന് 78 വർഷം കഠിന തടവും രണ്ടുലക്ഷം രൂപ പിഴയും ശിക്ഷ. പന്തളം സ്വദേശിയായ 51 കാരനാണ് പത്തനംതിട്ട പോക്‌സോ കോടതി ശിക്ഷ വിധിച്ചത്.
രണ്ടുവർഷം മുമ്പാണ് കേസിനാസ്പദമായ സംഭവം നടക്കുന്നത്. കുട്ടിയുടെ അമ്മ ഇവരെ ഉപേക്ഷിച്ചിരുന്നു. തുടർന്ന് എട്ടാംക്ലാസ് വിദ്യാർഥിനിയായ മകളെ പ്രതി നിരന്തരം പീഡിപ്പിച്ചെന്ന് പരാതി. പ്രതിയുടെ സഹോദരിയും മറ്റുമാണ് പരാതി നൽകിയതും നിർണായകമായ മൊഴി നൽകിയതും.
പോക്‌സോ കേസ് പ്രകാരം അറസ്റ്റ് ചെയ്ത പ്രതിയുടെ വിചാരണ രണ്ടുവർഷത്തിന് ശേഷം ഇന്നാണ് പൂർത്തിയായത്.
കുട്ടിയുടെ മാതാവും സഹോദരിയുമടക്കമുള്ള ബന്ധുക്കൾ കോടതിയിൽ മൊഴി മാറ്റി നൽകിയെങ്കിലും മറ്റുള്ള ബന്ധുക്കൾ മൊഴിയിൽ ഉറച്ചു നിൽക്കുകയായിരുന്നു. തുടർന്നാണ് പ്രതി കുറ്റക്കാരനാണെന്ന് കോടതി കണ്ടെത്തിയത്.
