സഞ്ജു തുടങ്ങി, ഹെറ്റ്‌മെയർ അവസാനിപ്പിച്ചു; ഗുജറാത്തിനെ തകർത്ത് രാജസ്ഥാൻ; പോ​യി​ന്‍റ് പട്ടികയില്‍ ഒന്നാമത്

അഹമ്മദാബാദ്: ഇന്ത്യന്‍ പ്രീമിയര്‍ ലീഗ് 16-ാം സീസണിലെ മത്സരത്തില്‍ ഗുജറാത്ത് ടൈറ്റന്‍സിന് എതിരെ മൂന്ന് വിക്കറ്റിന്‍റെ തകര്‍പ്പന്‍ ജയവുമായി രാജസ്ഥാന്‍ റോയല്‍സ്. 178 റണ്‍സ് വിജയലക്ഷ്യവുമായി ചേസിംഗ് തുടങ്ങിയ രാജസ്ഥാനെ നായകന്‍ സഞ്ജു സാംസണ്‍ ബാറ്റിംഗില്‍ മുന്നില്‍ നിന്ന് നയിച്ചപ്പോള്‍ വെടിക്കെട്ടുമായി ഷിമ്രോന്‍ ഹെറ്റ്‌മെയര്‍ വിജയിപ്പിച്ചു. ഇതോടെ പോ​യി​ന്‍റ് പ​ട്ടി​ക​യി​ൽ രാ​ജ​സ്ഥാ​ൻ റോ​യ​ൽ​സ് ഒ​ന്നാം സ്ഥാ​നം ഉ​റ​പ്പി​ച്ചു.  

നാ​യ​ക​ൻ സ​ഞ്ജു സാം​സ​ൺ(60), ഷിം​റോ​ൺ ഹെ​റ്റ്മെ​യ​ർ(56*) എ​ന്നി​വ​രു​ടെ ബാ​റ്റിം​ഗ് പ്ര​ക​ട​ന​മാ​ണ് റോ​യ​ൽ​സി​നെ വി​ജ​യ​ത്തി​ലെ​ത്തി​ച്ച​ത്. പ​വ​ർ​പ്ലേ അ​വ​സാ​നി​ക്കു​മ്പോ​ൾ 26-2 എ​ന്ന ദ​യ​നീ​യ നി​ല​യി​ലാ​യി​രു​ന്നു റോ​യ​ൽ​സ്. യ​ശ്വ​സി ജെ​യ്സ്‌​വാ​ൾ(1), ജോ​സ് ബ​ട്‌​ല​ർ(0) എ​ന്നി​വ​ർ വേ​ഗം മ​ട​ങ്ങി​യ​തോ​ടെ സ്കോ​റിം​ഗ് മെ​ല്ലെ​യാ​യി. ദേ​വ്ദ​ത്ത് പ​ടി​ക്ക​ൽ(26), റി​യാ​ൻ പ​രാ​ഗ്(5) എ​ന്നി​വ​ർ​ക്കൊ​പ്പം ചേ​ർ​ന്ന് സ​ഞ്ജു സ്കോ​ർ മു​ന്നോ​ട്ട് കൊ​ണ്ടു​പോ​യി.

32 പ​ന്തി​ൽ മൂ​ന്ന് ഫോ​റു​ക​ളും ആ​റ് സി​ക്സു​ക​ളും പാ​യി​ച്ചാ​ണ് സ​ഞ്ജു മ​ട​ങ്ങി​യ​ത്. പി​ന്നാ​ലെ ഹെ​റ്റ്മെ​യ​ർ ന​ട​ത്തി​യ വെ​ടി​ക്കെ​ട്ടി​നൊ​പ്പം ചേ​ർ​ന്ന്, നേ​രി​ട്ട ആ​ദ്യ ര​ണ്ട് പ​ന്തി​ലും ബൗ​ണ്ട​റി​ക​ൾ നേ​ടി ആ​ർ. അ​ശ്വി​ൻ(10) ടീ​മി​ന്‍റെ സ​മ്മ​ർ​ദം കു​റ​ച്ചു. ഒ​ടു​വി​ൽ അ​ഫ്ഗാ​ൻ താ​രം നൂ​ർ അ​ഹ്മ​ദി​നെ സി​ക്സി​ന് പാ​യി​ച്ച് ഹെ​റ്റ്മെ​യ​ർ വി​ജ​യം സ്വ​ന്ത​മാ​ക്കി.

മൂ​ന്ന് വി​ക്ക​റ്റ് നേ​ടി​യ മു​ഹ​മ്മ​ദ് ഷ​മി​യും ര​ണ്ട് വി​ക്ക​റ്റ് നേ​ടി​യ റാ​ഷി​ദ് ഖാ​നും റോ​യ​ൽ​സി​നെ തു​ട​ക്ക​ത്തി​ൽ പി​ടി​ച്ചു​കെ​ട്ടി​യെ​ങ്കി​ലും വി​ജ​യം ത​ടു​ത്തു​നി​ർ​ത്താ​നാ​യി​ല്ല.
 
  
ആദ്യം ബാറ്റു ചെയ്ത ഗുജറാത്ത്, 20 ഓവറിൽ 7 വിക്കറ്റ് നഷ്ടത്തിലാണ് 177 റൺസെടുത്തത്. അവസാന ഓവറുകളിൽ തകർത്തടിച്ച ഡേവിഡ് മില്ലർ (30 പന്തിൽ 46), ഓപ്പണർ ശുഭ്മാൻ ഗിൽ (34 പന്തിൽ 45) എന്നിവരുടെ ബാറ്റിങ്ങാണ് ഗുജറാത്തിന് ഭേദപ്പെട്ട സ്കോർ സമ്മാനിച്ചത്.
 
ടോസ് നേടിയ രാജസ്ഥാൻ ക്യാപ്റ്റൻ സഞ്ജു സാംസൺ ഗുജറാത്തിനെ ബാറ്റിങ്ങിന് അയക്കുകയായിരുന്നു. ആദ്യ ഓവറിൽ തന്നെ ഓപ്പണർ വൃദ്ധിമാൻ സാഹയെ (3 പന്തിൽ 4) ട്രെന്റ് ബോൾട്ട് മടക്കി. പിന്നീടെത്തിയ സായ് സുദർശനും (19 പന്തിൽ 20) ഗില്ലും ചേർന്ന് ഇന്നിങ്സ് മുന്നോട്ടു കൊണ്ടുപോയെങ്കിലും അഞ്ചാം ഓവറിൽ സായ്‌യെ ബട്‌ലറും സഞ്ജുവും ചേർന്ന് റണ്ണൗട്ടാക്കി. മൂന്നാം വിക്കറ്റിൽ ഒന്നിച്ച ക്യാപ്റ്റൻ ഹാർദിക് പാണ്ഡ്യയും (19 പന്തിൽ 28) ഗില്ലുമാണ് ഗുജറാത്ത് ഇന്നിങ്സിന്റെ നട്ടെല്ല്. മൂന്നാം വിക്കറ്റിൽ ഇരുവരും ചേർന്ന് 59 റൺസ് കൂട്ടിച്ചേർത്തു. 11–ാം ഓവറിൽ ഹാർദിക്കിനെ പുറത്താക്കി ചെഹലാണ് കൂട്ടുകെട്ട് പൊളിച്ചത്.

ഇതിനുശേഷമെത്തിയ ഡേവിഡ് മില്ലറും തകർത്തടിച്ചതോടെ ഗുജറാത്തിനു മാന്യമായ സ്കോർ നേടാനായി. രണ്ടു സിക്സും മൂന്നും ഫോറും അടങ്ങുന്നതായിരുന്നു മില്ലറിന്റെ ഇന്നിങ്സ്. അവസാന ഓവറിൽ സന്ദീപ് ശർമയാണ് മില്ലറിനെ പുറത്താക്കിയത്. അഭിനവ് മനോഹർ (13 പന്തിൽ 27), റാഷിദ് ഖാൻ (1 പന്തിൽ 1), രാഹുൽ തെവാത്തിയ (1 പന്തിൽ 1*) അൽസാരി ജോസഫ് (0*) എന്നിങ്ങനെയാണ് മറ്റു ഗുജറാത്ത് ബാറ്റർമാരുടെ സ്കോറുകൾ. 

രാജസ്ഥാനായി സന്ദീപ് ശർമ രണ്ടു വിക്കറ്റും ട്രെന്റ് ബോൾട്ട്, ആദം സാംപ, യുസ്‌വേന്ദ്ര ചെഹൽ, എന്നിവർ ഓരോ വിക്കറ്റു വീതവും വീഴ്ത്തി.