‘റിങ്കു ഷോ’; അവസാന അഞ്ച് പന്തിലും സിക്‌സ്; കോ​ൽ​ക്ക​ത്ത​യ്ക്ക് ത്രില്ലർ ജ​യം

അഹമ്മദാബാദ്: ഐപിഎല്ലിലെ ത്രില്ലര്‍ പോരാട്ടത്തില്‍ കരുത്തരായ ഗുജറാത്ത് ടൈറ്റൻസിനെ തോൽപിച്ച് കൊൽക്കത്ത നൈറ്റ് റൈഡേഴ്സ്. അവസാന ഓവറിൽ 29 റണ്‍സ് വേണ്ടിയിരുന്ന മത്സരത്തിൽ റിങ്കു സിങ്ങിന്റെ വെടിക്കെട്ട് ബാറ്റിങ്ങാണ് കൊൽക്കത്തയ്ക്ക് രണ്ടാം വിജയം നേടിക്കൊടുത്തത്. ഗുജറാത്ത് ഉയർത്തിയ 205 റൺസ് വിജയലക്ഷ്യത്തിൽ അവസാന പന്തിലാണ് കൊൽക്കത്തയെത്തിയത്. 21 പന്തിൽ 48 റൺസെടുത്ത് റിങ്കു സിങ് പുറത്താകാതെ നിന്നു.

വ​ലി​യ ല​ക്ഷ്യം മു​ന്നി​ൽ ക​ണ്ട് ഇ​റ​ങ്ങി​യ കോ​ൽ​ക്ക​ത്ത​യ്ക്കാ​യി വെ​ങ്ക​ടേ​ഷ് അ​യ്യ​ർ മി​ക​ച്ച പ്ര​ക​ട​ന​മാ​ണ് കാ​ഴ്ച​വ​ച്ച​ത്. 40 പ​ന്തി​ൽ അ​ഞ്ച് സി​ക്സും എ​ട്ട് ഫോ​റും ഉ​ൾ​പ്പെ​ടെ 83 റ​ണ്‍​സാ​ണ് വെ​ങ്ക​ടേ​ഷ് അ​യ്യ​ർ അ​ടി​ച്ചെ​ടു​ത്ത​ത്. നി​തീ​ഷ് റാ​ണ 29 പ​ന്തി​ൽ 45 റ​ണ്‍​സും നേ​ടി.

15.5 ഓ​വ​റി​ൽ 154 റ​ണ്‍​സി​ൽ​നി​ൽ​ക്കെ കോ​ൽ​ക്ക​ത്ത​യ്ക്ക് വെ​ങ്കി​ടേ​ഷ് അ​യ്യ​രെ ന​ഷ്ട​മാ​യി. പി​ന്നീ​ട് ഹാ​ട്രി​ക്കു​മാ​യി റ​ഷീ​ദ് ഖാ​ൻ കോ​ൽ​ക്ക​ത്ത​യ്ക്ക് ക​ന​ത്ത പ്ര​ഹ​ര​മേ​ൽ​പ്പി​ച്ചു. ക​ളി കൈ​വി​ട്ടു എ​ന്ന് തോ​ന്നി​യി​ട​ത്തു​നി​ന്നു​മാ​ണ് റി​ങ്കു സിം​ഗ് ഒ​റ്റ​യാ​ൻ പോ​രാ​ട്ടം ന​യി​ച്ച​ത്. 21 പ​ന്തി​ൽ പു​റ​ത്താ​കാ​തെ ആ​റ് സി​ക്സും ഒ​രു ഫോ​റും ഉ​ൾ​പ്പെ​ടെ 48 റ​ണ്‍​സാ​ണ് റി​ങ്കു നേ​ടി​യ​ത്.

റാ​ഷി​ദ് ഖാ​ൻ മൂ​ന്ന് വി​ക്ക​റ്റ് നേ​ടി​യ​പ്പോ​ൾ അ​ൽ​സാ​രി ജോ​സ​ഫ് ര​ണ്ട് വി​ക്ക​റ്റും വീ​ഴ്ത്തി. 

ടോസ് നേടി ബാറ്റിങ്ങിനിറങ്ങിയ ഗുജറാത്ത് 20 ഓവറിൽ നാലു വിക്കറ്റ് നഷ്ടത്തിൽ 204 റൺസെടുത്തു. സായ് സുദർശൻ 38 പന്തിൽ 53 റൺസെടുത്തു പുറത്തായി. ഓൾ റൗണ്ടർ‌ വിജയ് ശങ്കര്‍ 24 പന്തുകളിൽനിന്ന് 63 റൺസുമായി പുറത്താകാതെനിന്നു. അവസാന ഓവറുകളിൽ വിജയ് ശങ്കർ നടത്തിയ ബാറ്റിങ് വെടിക്കെട്ടാണ് ഗുജറാത്തിനെ 200 കടത്തിയത്. 21 പന്തുകളിൽ 50 തികച്ച വിജയ് ശങ്കർ അഞ്ച് സിക്സും നാലു ഫോറുകളും അടിച്ചു.

  
കോ​ൽ​ക്ക​ത്ത​യ്ക്കാ​യി സു​നി​ൽ ന​ര​യ്ൻ മൂ​ന്ന് വി​ക്ക​റ്റ് നേ​ടി. ജ​യ​ത്തോ​ടെ കോ​ൽ​ക്ക​ത്ത് നാ​ല് പോ​യി​ന്‍റു​മാ​യി പ​ട്ടി​ക​യി​ൽ മൂ​ന്നാം സ്ഥാ​ന​ത്തെ​ത്തി.